அப்பாவி தமிழர்கள் மீதான தாக்குதலை நிறுத்து! இலங்கை தூதரிடம் மத்திய அரசு கண்டிப்பு

இலங்கையில் அப்பாவி தமிழர்கள் மீதான தாக்குதலை உடனே நிறுத்தும் படி அந்நாட்டு அரசை இந்திய அரசு கண்டித்துள்ளது. டில்லியில் உள்ள இலங்கைத் தூதரிடம் இந்த கருத்து உரிய முறையில் தெரிவிக்கப்பட்டுள்ளது.இலங்கையில் சமீபகாலமாக நடந்துவரும் போரில் அப்பாவி தமிழர்கள் பலர் கொல்லப்பட்டு வருகின்றனர். இதற்கு, தமிழகம் முழுவதும் உள்ள அரசியல் கட்சிகள் மத்தியில் கடும் எதிர்ப்பு கிளம்பியுள்ளது. முதல்வர் கருணாநிதி கேட்டுக்கொண்டதன்படி, ஆயிரக்கணக்கானோர் பிரதமர் மன்மோகன் சிங்குக்கு தந்திகளைக் குவித்தனர்.


பிரதமரிடம் விவரித்தார் : தந்திகள் குவிந்ததும், பிரதமர் மன்மோகன் சிங், நேற்று காலை 11.30 மணிக்கு முதல்வர் கருணாநிதியை தொலைபேசியில் தொடர்புகொண்டார். இலங்கைப் பிரச்னை குறித்து ஆலோசனை நடத் திய பிரதமர், தமிழர்கள் கொல்லப்படுவதை தடுத்து நிறுத்த உரியநடவடிக்கை எடுப்பதாக உறுதியளித் தார்.அப்போது, முதல்வர் கருணாநிதி, இலங்கை அரசின் ராணுவ நடவடிக்கை, இனப் படுகொலை குறித்து பிரதமரிடம் விவரித்தார். "மத்திய அரசு உடனே,டில்லியில் உள்ள இலங்கைத் தூதரை அழைத்து, தமிழினப் படுகொலை குறித்த கண்டனத்தை, அவர் மூலம் இலங்கை அரசுக்குத்தெரிவிக்க வேண்டும்' என முதல்வர் வலியுறுத்தினார்.இலங்கையில் அமைதி காண நடவடிக்கைகளையும், தமிழக மீனவர்களுக்கு இழைக்கப்படும் துன்பங்கள் தொடராமல் பாதுகாப் பதற்கானநடவடிக்கைகளையும் மேற்கொள்ள வேண்டுமென வலியுறுத்தினார்.இப்பிரச்னைகள் அவசர அவசிய முக்கியத்துவம் வாய்ந்தவை என்றும


அரசியல் தீர்வு: பிரதமரிடம் முதல்வர் குறிப்பிட்டார். முதல்வர் கருணாநிதியின் வேண்டுகோளை நிறைவேற்றநடவடிக்கை மேற்கொள்வதாக பிரதமர் உறுதியளித்தார். நேற்று மாலை 4 மணிக்கு தேசிய பாதுகாப்பு ஆலோசகர் நாராயணன், இலங்கை துணைத் தூதரை தனது சவுத் பிளாக் அலுவலகத்துக்கு அழைத்து, இனப் பிரச்னையில் இந்திய அரசின் கருத்துக்களைத் தெரிவித்தார். அரை மணி நேரம் நடந்த பேச்சுவார்த்தையின்போது நாராயணன், "இலங்கை அரசிடம், இப்போது நடந்துகொண்டிருக்கும் போரை நிறுத்திவிட்டு, இனப் பிரச்னைக்கு அரசியல் தீர்வு காண வேண்டும்' எனத் தெரிவித்தார்.


இலங்கை துணைத் தூதரிடம் எம்.கே.நாராயணன் பேசிய பேச்சுவார்த்தை குறித்து வெளியுறவுத் துறை செய்திக்குறிப்பில் கூறப்பட்டுள்ளதாவது:இலங்கையின் வடக்குப் பகுதிகளில் நடந்துவரும் போரில் அப்பாவி மக்கள் மடிவதற்கு இந்தியா பெரும் வருத்தம் தெரிவிக்கிறது. இலங்கையில் உள்ள இனப் பிரச்னைக்குத் தீர்வு காண, அந்த அரசு இன்னும் கட்டுப்பாட் டோடு செயல்படவேண்டும். இலங்கைஅரசின் நடவடிக்கைகளால் பெரும் பான்மைஇன மக்களிடையே பீதி ஏற்பட்டுள்ளது. போரில் பாதிக்கப்பட்ட வட பகுதிகளில், இலங்கை அரசு அத்தியாவசியப் பொருட் கள் கிடைக்க உடனே நடவடிக்கை எடுக்க வேண்டும். இந்திய மீனவர்கள் மீது, இலங்கைக் கடற்படை தொடர்ந்து தாக்குதல் நடத்தி வருகிறது.


இந்தநடவடிக்கை, இரு அரசுகள் மேற்கொண்ட ஒப்பந் தத்தை மீறிய செயல். இந்தத் தாக்குதல்களை இலங்கைக் கடற் படை உடனே நிறுத்திக் கொள்ள வேண்டும். இதைமக்களின் வாழ்வாதாரப் பிரச்னையாக இலங்கை அரசு கருத வேண்டும். இவ்வாறு அந்த செய்திக்குறிப்பு தெரிவிக்கிறது.