கருப்பு அழகியின் அந்தரங்க வாழ்க்கை!

வனேஸா ஒரு நீக்ரோ பெண். 1984 -ம் ஆண்டு அமெரிக்காவின் மிகச் சிறந்த அழகியாகத் தேர்ந்தெடுக்கப்பட்டாள். அதாவது மிஸ் அமெரிக்கா என்ற அங்கீகாரத்தைப் பெற்றாள். ஒரு கருப்புப் பெண் அமெரிக்க அழகியாகத் தேர்ந்தெடுக்கப்பட்ட விஷயம் முதல் முறையாக நிகழ்ந்தது.

அமெரிக்க அழகி வெறும் தோற்றத்தை மட்டும் வைத்துத் தேர்ந்தெடுக்கப்படுவதில்லை. அவளுடைய புத்திசாலித்தனம், பொது அறிவு, விளையாட்டுப் போட்டிகளில் அவளுக்குள்ள ஈடுபாடு, அவளுக்கென்று உள்ள விஷேசத் திறமைகள், நடையழகு, தோற்றக் கவர்ச்சி அகிய அனைத்தையும் வைத்தே தேர்ந்தெடுக்கப்படுகிறார்.

வனேஸா மிஸ் அமெரிக்காவாக தேர்ந்தெடுக்கப்பட்டதால் அவளுக்கு ஒரு லட்சம் டாலர் பரிசாகக் கிடைத்தது. மிஸ் அமெரிக்காவாக தேர்ந்தெடுக்கப்பட்டவளுக்கு உலகம் முழுதும் சுற்றிவரும் வசதியும் செய்யப்படுகிறது.

அமெரிக்காவில் வேடிக்கை என்னவென்றால், ஒருத்தி மிஸ் அமெரிக்காவாகத் தேர்ந்தெடுக்கப்பட்டு விட்டால், அவளைப் பற்றிய எல்லா வதந்திகளும், புரளிகளும் கிளப்பி விடப்படும். பத்திரிக்கைகாரர்கள் அவளுடைய அந்தரங்க வாழ்க்கை பற்றி தெரிந்துகொள்ள லோ.... லோ.. வென்று அலைவார்கள். சினிமாக்காரர்கள் அவளை நடிக்க வைக்கும் பிரயத்தனங்களில் ஈடுபடுவார்கள்.

அமெரிக்க அழகியாகத் தேர்ந்தெடுக்கப்பட்ட வனேஸாவும் இதற்குத் தப்ப முடியவில்லை. அவள் அழகியாகத் தேர்ந்தெடுக்கப்பட்ட ஆறாவது நாள் அமெரிக்க தொலைக்காட்சியில் ஒரு செய்தி வெளியாயிற்று. அமெரிக்காவில் பிரபலமான செக்ஸ் பத்திரிக்கையில் ஒன்று “பெண்ட் ஹவுஸ்”. இந்தப் பத்திரிக்கையில் அவளுடைய நிர்வாணப் படம் ஏற்கனவே வெளியாகியிருப்பதாக அந்த தொலைக்காட்சி கூறியது.

இது பெரிய பரபரப்பினை ஏற்படுத்தியது. அவளுடைய நிர்வாணப்படம் வெளியாகிய பழைய பெண்ட் ஹவுஸ் இதழுக்கு பெரிய கிராக்கி ஏற்பட்டது. பழைய பத்திரிகைக் கடைக்காரர்கள் அந்த இதழ் தங்களிடம் இருக்கிறதா என தேடிக் கண்டுபிடித்து, அதன் மூலம் பெரும் பணம் சம்பாதிக்கும் முயற்சியில் ஈடுபடத் தொடங்கினார்கள்.

பெண்ட் ஹவுஸ் பத்திரிகையும் சும்மாயிருக்கவில்லை. அது ஒரு அறிவிப்பை வெளியிட்டது. மிஸ் அமெரிக்காவாக தேர்ந்தெடுக்கப்பட்ட வனேஸா விரும்பினால், அவளைத் தங்களுடைய பத்திரிகையிலேயே வேலைக்கு வைத்துக் கொள்ள தயாராக இருப்பதாக விளம்பரம் கொடுத்தார்கள். மிஸ் அமெரிக்காவாகத் தேர்ந்தெடுக்கப்பட்ட போது அவளுக்குக் கிடைத்ததைப் போல் பல மடங்கு ஊதியம் தரவும் முன் வந்தார்கள்.

வனேஸா எதைப் பற்றியும் கவலைப்படவில்லை. பத்திரிகையாளர்களைக் கூட்டினாள். தனக்குக் கிடைத்த மிஸ் அமெரிக்கா பட்டத்தைக் கைவிட்டு விட்டதாக அறிவித்தாள் - இதற்குக் காரணம் இருந்தது.

மிஸ் அமெரிக்காவாக அவள் நீடித்திருந்தால் ஓராண்டு வரையாவது சில கட்டுப்பாடுகளுக்கு அவள் உட்பட வேண்டியிருக்கும். அந்தப் பட்டத்தால் தனக்குக் கிடைக்கும் புகழையும் வருமானத்தையும் விடத் தனது நிர்வாணப் படங்களின் மூலம் அதிகமான புகழும், வருமானமும் கிடைக்குமென்பதை அறிவாள்.

துணிந்து இறங்கிவிட்டாள், பெரிய பெரிய பத்திரிகைக்கெல்லாம் தாராளமாக நிர்வாண போஸ் கொடுக்க ஆரம்பித்தாள். பல பத்திரிகைகளிலும் அவளுடைய நிர்வாணப் படங்கள் வெளியாகத் தொடங்கின.

பிரபலமான சில பெண்களின் நிர்வாணப் படங்கள் அமெரிக்கப் பத்திரிகைகளில் வெளிவருவது சாதாரண விஷயம்தான். அதனால் ஒரு முக்கியமான பத்திரிகை நிர்வாணப் படங்களிலும் மிகுதியான பரபரப்பை ஏற்படுத்தக் கூடிய வனேஸாவின் நிர்வாணக் காட்சியொன்றை வெளியிட்டது.

பெண் மீது பெண்ணே ஆசை கொண்டு செக்ஸ் உறவு கொள்ளுவது லெஸ்பியனிசம் என்று அழைக்கப்படுகிறது. வனேஸா ஒரு லெஸ்பியன் என்று எடுத்துக்காட்டும் புகைப்படமொன்றை ஒரு பத்திரிகை வெளியிட்டது. நிர்வாண நிலையிலிருக்கும் இன்னொரு பெண் நெருக்கமாக இருக்கும் காட்சி இது?

இது வனேஸாவைப் பெரும் சிக்கலில் மாட்டி வைத்தது. வனேஸா அந்தக் குறிப்பிட்ட பத்திரிகையின் மீது நஷ்ட ஈடு கோரப் போவதாக, வக்கீல் நோட்டீஸ் விட்டாள். அந்தப் பத்திரிகையின் ஆசிரியரும் வெளியீட்டாளரும் தங்களுடைய வாசகர்களின் ரசனைதான் முக்கியம் என்றும், வனேஸா பெரும் தொகையைப் பெற்று அவ்வாறு புகைப்படமெடுக்க ஒப்புக் கொண்டு அனுமதித்ததாகவும், ஆகவே தொடர்ந்து அவளை வைத்தெடுத்த புகைப்படங்களைப் பிரசுரிப்பதைத் தடுப்பதற்கு ஒப்பந்தப்படி அவளுக்கு உரிமையில்லையென்றும் பதில் நோட்டீஸ் விட்டார்கள்.

அதுபோன்றே வனேஸாவைச் சித்தரிக்கும் மிக ஆபாசமான படமொன்றை பெண்ட் ஹவுஸ் பத்திரிகையும் வெளியிட்டது. அந்தக் குறிப்பிட்ட இதழ் மட்டும் ஐம்பத்தைந்து லட்சம் டாலர் பிரதிகள் விற்பனையயின. ஒரு பிரதியின் விலை நான்கு டாலர்கள்.

பத்திரிகைகளால் இந்த அளவிற்கு துன்புறுத்தப்பட்ட வனேஸாவின் திறமைகளை அறிய இங்கே செல்லுங்கள்!

http://en.wikipedia.org/wiki/Vanessa_L._Williams