கர்ப்பகாலத்தில் ஏற்படும் உடல், மன.. மாற்றங்கள்

by சபீர் Tue Jun 08, 2010 1:21 pm

ஒரு பெண்ணின் வாழ்க்கையில் கருத்தரித்த காலகட்டம்தான் மிக சந்தோஷமான காலம். உடலில்
மாற்றங்கள் ஏற்படுவது உண்மைதான் என்றாலும், சிலர் அந்த மாற்றங்களைக் கண்டு
திகைப்படைகிறார்கள். சிலர் பயப்படுகிறார்கள். சிலர் எதுவும் புரியாமல்
விழிக்கிறார்கள். இன்னும் சிலருக்கு அந்த மாற்றங்கள் மேல் எரிச்சலோ, வெறுப்போ
எழும். இவற்றைத் தவிர்க்க எவ்வாறான மாறுதல்கள் உடலில் ஏற்படுகின்றன என்று தெரிந்து
கொள்வது நல்லதுதானே.

முதல் மூன்று மாதம் : பதினான்கு
வாரங்கள் வரை எந்த நேரத்திலும் (காலையில் மட்டுமல்ல) அடிக்கடி குமட்டல் மற்றும்
வாந்தியின் உணர்வு ஏற்படலாம். இதற்கு உங்கள் மாறும் ஹார்மோன்களே காரணம்.
உங்கள்
மார்பகத்தை தாய்ப்பால் கொடுக்கத் தயார் செய்வதற்காக நேரிடும் ஹோர்மேனஸ் மாறுதல்கள்
காரணமாக மார்பகம் வீங்குகிறது. மிருதுவாகிறது.

மூக்கினுளிருக்கும்
லைனிங்கில் கூடுதலான அழுத்தம் இருப்பதால் மூக்கடைப்பு ஏற்படுகிறது. இது
கர்ப்பப்பையினுள் உள்ள லைனிங் போலவே உள்ளது. கருத்தரிப்பினால் இரண்டிலும் அதிகமான
இரத்த ஓட்டம் இருக்கிறது.

அதிகமான சோர்வை அதிகபட்ச பெண்கள் உணருகிறார்கள்.
இதற்குக் காரணம் ஒரு குழந்தைக்கு வடிவம் கொடுக்க உங்கள் உடல் அதிக அளவு சக்தியை
உபயோகிக்கிறது.

அடிக்கடி சிறுநீர் கழிப்பிற்குக் காரணம் கர்ப்பப்பை
வளர்ந்து, மூத்திரப்பையை அழுத்துவதுதான்.

மார்னிங் சிக்னெஸ் உள்ள பெண்கள்
மாவு சத்துள்ள உணவுப் பண்டங்களுக்காக சில சமயம் ஏங்குகின்றனர். ஏனெனில் மாவுச்
சத்து குமட்டலை அடக்க உதவுகிறது.

கருத்தரித்த நிலையின் மாஸ்க் என்பது
கன்னத்திலும் மூக்கிலும் ஆங்காங்கே காணப்படும். இந்த அனுபவம் எல்லோருக்கும்
ஏற்படுவதில்லை. பிரசவத்திற்கு பிறகு இது மறைந்துவிடுகிறது. இதற்கு ஹார்மோன்களின்
மாற்றங்கள் மற்றும் சூரிய ஒளியே காரணம்.

by சபீர் Tue Jun 08, 2010 1:22 pm

இரண்டாவது மூன்று மாதம் : முதல் மூன்று மாத கால அசௌகரியங்கள்
மறைந்தவுடன் ஒரு மொத்த ஆரோக்கியமான உணர்வு திரும்புகிறது.
இடுப்பு தடிப்பாகிறது.
அடிவயிறு ரவுண்டாகவும் உறுதியாகவும் ஆகிறது.
நெஞ்சில் எரிப்பு அதிகரிக்கிறது.
இதற்குக் காரணம், கர்ப்பப் பை வளரும்போது, வயிற்றை அழுத்தி, உணவு செல்லும் குழாயைக்
குருக்குகிறது. வயிற்றில் அமிலமும் அதிகமாக உற்பத்தியாகிறது.

கர்ப்பப் பை
குடல்கள் மீது அழுத்துவதால், உணவின் போக்கு குறைகிறது. வைட்டமின் மற்றும் இரும்புச்
சத்து அதிகமாக உட்கொள்வதால் மலச்சிக்கல் ஏற்படுகிறது.

மார்பகம் மற்றும்
அடிவயிற்றின் மீது தழும்புகள் ஏற்படுகின்றன.
அரிப்பு, சருமம் ஸ்ட்ரெச் ஆவதால்
ஏற்படுகிறது.

சாதாரண பிக்மெண்டின் மாறுதல்களின் ஒரு பங்காக முலைக்காம்பைச்
சுற்றியுள்ள சருமம் கருமையாகிறது. தொப்புள் வரை அல்லது அதற்கு மேலேயும் ஒரு மெல்லிய
கருமை ரேகை வருகிறது.

குழந்தையின் அசைவு யாரோ லேசாகக் குத்துவதைப்
போலிருக்கும்.
உணவுக்காக ஏக்கம் இதில் எழும். நெஞ்செரிச்சலை அடக்க எலுமிச்சை
வகைப் பழங்கள் நல்லது. முக்கியமாக உப்பைக் குறைப்பது முக்கியம்.

by சபீர் Tue Jun 08, 2010 1:22 pm

மூன்றாவது மூன்று மாதம் : உங்கள் முதுகுக்கு ஆதரவளிக்கும் தசைநார்
மற்றும் தசைகள் மீது அதிகமாக அழுத்தமிருப்பதால் முதுகுவலி
ஏற்படுகிறது.

நீங்கள் கீழே படுத்துக் கொள்வதால் காலில் இழுப்பு வருகிறது.
உங்கள் உடலில் இரத்தத்தின் கொள்ளளவு அதிகரிக்கிறது. ஈர்ப்பு காரணமாக இரத்தம்
கால்களுக்குச் செல்கிறது. ஆகையால், தசைகள் மீது அழுத்தம் ஏற்பட்டு, கால்களில்
இழுப்பு வருகிறது.

மூச்சுத் திணறல் ஏற்படுவதற்கு காரணம், குழந்தை உதரவிதானம்
மீது அழுத்துகிறது. சுவாசப் பை விரிந்து கொடுப்பதில்லை மற்றும் உங்களுக்கு வேண்டிய
அளவு வாயு கிடைப்பதில்லை.

குழந்தையின் அசைவைக் காண முடிகிறது. இப்போது
குழந்தையின் எடை கூடுகிறது மற்றும் அதன் உதையையும், விக்கலையும் கூட நீங்கள் உணர
முடிகிறது.

உறங்குவதில் கடினமாக இருக்கும். இதற்கு காரணம் அடிக்கடி சிறுநீர்
கழிக்க வேண்டிய தேவை மற்றும் எடை அதிகரிப்பினால் ஏற்படும்
அசௌகரியங்களாகும்.

இவற்றையெல்லாம் தெரிந்து வைத்துக்கொண்டவர்களுக்கு இந்த
மாற்றங்கள் விரும்பத்தக்கவையாக இருக்கும். ஒரு ஆரோக்கியமான குழந்தையைப் பெற்றெடுக்க
மனம் தயாராகிவிட்ட உணர்வு எழும். தாயாகப்போகும் நாளை எதிர்பார்த்துக்கொண்டு
இருப்பீர்கள்.

by மஞ்சுபாஷிணி Tue Jun 08, 2010 1:31 pm

மிக மிக பயனுள்ள பகிர்வு இது சபீர்...

நான் இந்த காலக்கட்டத்தை எப்படி கஷ்டப்பட்டு கடத்தினேன் என்பது இறைவனுக்கு மட்டுமே தெரிந்த உண்மை...

வீட்டில் இருக்கும் பெண்கள் வாமிட்டிங் சென்சேஷன் இருந்தால் தப்பித்துக்கொள்ளலாம்....அருகே உறவினர்களும் இருப்பார்கள் பார்த்துக்கொள்ள..

வெளிநாட்டில் இருக்கும் பெண்கள் கர்ப்பம் தரிக்கும்போது வேலைக்கும் போகும் பெண்களின் நிலை இன்னும் ரொம்ப மோசம்... ரொம்ப தூரம் வேலைக்கு போகும் என்னைப்போன்றோர் நிலை இன்னும் பரிதாபகரமானது. பஸ்ஸை விட்டு இறங்கி ரோட் க்ராஸ் செய்ய போகும்போது கண்ணிருட்டி பலமுறை ரோட்டிலேயே விழுந்திருக்கிறேன்... நல்லிதயம் படைத்த என்னுடன் வேலை செய்த பிலிப்பைன்ஸ் நாட்டுப்பெண் என் கையை பிடித்து ரோடு க்ராஸ் செய்ய உதவினார் தினமும்....

பெண்களின் ஒவ்வொரு கட்டத்திலும் கணவர்களின் பங்கு அதிகமாகிறது...

இது போன்ற சமயத்தில் கணவன் சமைக்கிறான்... மனைவிக்கு ஊட்டி விடுகிறான்.. வீட்டு வேலைகளை மனைவியை உட்காரவைத்து தான் செய்கிறான்.. வேலைக்கும் போய் வந்து மனைவியையும் பார்த்துக்கொள்ளும் இந்த காலக்கட்டத்திலும் கணவன் இன்னொரு தாயாகிறான்..

தியானமும் நடைப்பயிற்சியும் மிக நல்லது...

மிக அருமையான கட்டுரைப்பா சபீர்...

by கோவை ராம் Tue Jun 08, 2010 1:59 pm

மிக மிக நன்றி பாஸ்.இந்த மூன்றாவது மூன்று மாதம் பற்றி மேலும் விபரங்கல் இருந்தால் தெரிவிக்கவும்.இங்கே இது பற்றி மருதுவர்கள் அதிகம் தெரிவிப்பது இல்லை

பொள்ளாச்சியில் இருந்து
ராம்