நத்திங் பட் ஆங்கிரி இளையராஜா காட்டிய கோபம்!

ரபீக் · ரபீக் Tue Jun 08, 2010 1:22 pm

நத்திங் பட் வின்ட்! இளையராஜாவின் பிறந்த நாளையட்டி சென்னையில் நடந்த இசை நிகழ்ச்சியின் பெயர்தான் இது. ஆனால் அந்த விழாவில் 'நத்திங் பட் ஆங்கிரி' ஆகிவிட்டார் இளையராஜா. வேறென்ன? ரசிகர்களின் கூக்குரலும் கோபம் கிளப்பும் கமெண்ட்டும்தான். இத்தனைக்கும் வந்திருந்த அத்தனை பேரும் ராஜாவின் ஃபேன்கள்!.

கவிஞர் வாலி பேசும்போது, நான் எத்தனையோ இசையமைப்பாளர்களுக்கு பாடல் எழுதியிருக்கேன். ஆனா இளையராஜாவின் இசைக்கு எழுதும்போதுதான் மனசு நிறையுதுன்னு சொல்ல, கூட்டத்திலிருந்து ஒரு குரல். மனசு நிறையறது இருக்கட்டும்.... பாக்கெட் நிறையுதா? என்று! அவ்வளவுதான். பெரும் கோபத்தோடு குரல் வந்த திசையை நோக்கினார் இளையராஜா.

சிறிது நேரத்திற்கு பின் அவரே மைக்கை பிடித்தார். அப்போதும் இவரது கருத்தொன்றுக்கு பதில் சொல்ல முற்பட்டார் அதே இளைஞர். அவ்வளவுதான். அதுவரை பொறுமையாக இருந்த ராஜா கடும் கோபம் கொண்டார். 'நீயும் நானும் ஒரே இடத்தில இருந்தா எங்கிட்ட பேசிகிட்டே இருப்பியா. அமைதியா இருந்து நிகழ்ச்சிய ரசிக்க முடியும்னா இரு. இல்லேன்னா கிளம்பு' என்று கூற, நிகழ்ச்சி முடியும்வரை அந்த பக்கத்திலிருந்து ஒரு முணுக் சப்தம் கூட இல்லை.

இசைக்கு தாலாட்டவும் தெரியும், போட்டு தாக்கவும் தெரியும்!