இசை எனும் நெருப்பில் தண்ணீர்த் தெளிக்கிறார்கள்: இளையராஜா ஆதங்கம்

sathyan · sathyan Mon Jun 07, 2010 4:58 pm

இசை எனும் நெருப்பில் தண்ணீர்த் தெளிக்கிறார்கள்: இளையராஜா ஆதங்கம்

சமீபத்திய இசை நிகழ்ச்சி ஒன்றில் பங்கேற்ற இசைஞானி இளையராஜா, புத்தம் புதுமையான இசையினை வளர்க்காமல், இசையெனும் நெருப்பில் தண்ணீர்த் தெளிக்கதான் ஆள் இருக்கிறார்கள் என்று ஆதங்கப்பட்டார்.

இதுப்பற்றி அவர் கூறியதாவது:

இன்று, புதியப்படங்களுக்கு இசை கேட்டு வரும் புதிய ஆட்கள் யாரும் புது மாதிரியான இசை வேண்டும் என என்னிடம் வருவதில்லை. அந்த மாதிரி வேண்டும். இந்த மாதிரி வேண்டும் என்றுதான் கேட்கிறார்கள்.

புதிய சிந்தனை உள்ளவர்கள் யார் இருக்கிறார்கள்? இசை நெருப்பில் தண்ணீர் தெளிக்கத்தான் ஆள் இருக்கிறார்களே தவிர, அதைத் தூண்டி விட ஆள் இல்லை. வெளிநாட்டு படங்களைப் பார்த்து விட்டு அதே போல் இசை வேண்டும் என சிலர் கேட்கிறார்கள்.

தேவையில்லாத சத்தங்களை யுவன் ஷங்கர்ராஜாவையும், கார்த்திக் ராஜாவையும் தவிர்க்க சொல்கிறேன். நம் இசை எங்கோ சென்றிருக்க வேண்டும்.

ஏணியை பிடித்து ஏறுவதற்கு பதிலாக, ஏணியை பிடித்து இறங்கி விட்டோம் என்று தோன்றுகிறது. பொக்கிஷங்கள் கண் முன்னே இருக்கும் போது அதைப் பயன்படுத்த தெரியவில்லை.

பாலாறும், தேனாறும் பக்கத்தில் ஓடும் போது மட்டமான ரசனையைத்தான் இன்றைய ரசிகர்கள் நாடுகிறார்கள்.இந்த நிலை மாறவேண்டும். ’’இசை என்பது எப்போது கேட்டாலும் புதிதாக இருக்க வேண்டும்'’ என்றார்.