தெரிந்​து​ கொள்​ளுங்​கள்!: பிரே​சி​லுக்கு 3-வது கோப்பை

1970-ம் ஆண்டு நடந்த 9-வது உல​கக் கோப்​பைப் போட்​டியை மெக்​ஸிகோ நாடு மே 31-ம் தேதி முதல் ஜூன் 21-ம் தேதி வரை நடத்​தி​யது.​ மொத்​தம் 16 நாடு​கள் போட்​டி​யில் கலந்​து​கொண்​டன.​ மெக்​ஸி​கோ​வின் 5 முக்​கிய நக​ரங்​க​ளில் போட்​டி​கள் நடத்​தப்​பட்​டன.​


கால் இறுதி ஆட்​டங்​க​ளில் சோவி​யத் யூனி​யனை உரு​கு​வே​வும்,​​ பெருவை பிரே​சி​லும்,​​ மெக்​ஸி​கோவை இத்​தா​லி​யும்,​​ இங்​கி​லாந்தை மேற்கு ஜெர்​ம​னி​யும்​வென்​றன.​

அரை இறு​தி​யில் பிரே​சில் 3-1 என்ற கணக்​கில் உரு​கு​வே​வை​யும்,​​ இத்தாலி 4-3 என்ற கணக்​கில் மேற்கு ஜெர்​ம​னி​யை​யும் வீழ்த்​தின.​


இ​றுதி ஆட்​டம் பர​ப​ரப்​பாக இருக்​கும் என்று எதிர்​பார்க்​கப்​பட்​டது.​ ஆனால் 4-1 என்ற கணக்​கில் இத்​தா​லியை பிரே​சில் நசுக்கி 3-வது முறை​யாக கோப்​பையை வென்​றது.​

இ​றுதி ஆட்​டத்​தில் கால்​பந்து ஜாம்​ப​வான்​கள் பீலே,​​ ஜெர்​சன்,​​ ஜெய்ர்​ஜினோ,​​ கார்​லோஸ் ஆல்​பர்டோ தலா ஒரு கோல​டித்​த​னர்.​


3 முறையை கோப்​பையை பிரே​சில் வென்​ற​தால் ஜூ​லஸ் ரிமெட் உல​கக் கோப்​பையை பிரே​சிலே வைத்​துக் கொள்ள உலக கால்​பந்து சம்​மே​ள​னம் அனு​ம​தித்​தது.​

க​ருப்பு வைரம் பீலே​வுக்கு இது 4-வது மற்​றும் கடைசி உல​கக் கோப்​பைப் போட்​டி​யா​கும்.​ கார்​லோஸ் ஆல்​பர்டோ,​​ குளோ​ட​லோடோ,​​ ஜெர்​சன்,​​ ஜெய்ர்​ஜினோ,​​ ரிவெ​லினோ,​​ டோஸ்​டவோ ஆகிய ஜாம்​ப​வான்​கள் அணி​யாக விளங்​கிய பிரே​சில் உல​கக் கோப்​பையை 3-வது முறை​யா​கக் கைப்​பற்​றி​ய​தில் ஆச்​சர்​யம் ஏது​மில்லை.​

​

மேற்கு ஜெர்​மனி மீண்​டும் சாம்​பி​யன்​

​1974-ம் ஆண்டு நடந்த 10-வது உல​கக் கோப்​பைப் போட்​டியை மேற்கு ஜெர்​மனி நாடு ஜூன் ​ 13-ம் தேதி முதல் ஜூலை 7-ம் தேதி வரை நடத்​தி​யது.​ மொத்​தம் 16 நாடு​கள் போட்​டி​யில் கலந்​து​கொண்​டன.​ மேற்கு ஜெர்​ம​னி​யின் 9 முக்​கிய நக​ரங்​க​ளில் போட்​டி​கள் நடத்​தப்​பட்​டன.​


4 பிரி​வு​க​ளில் முதல் சுற்​றுப் போட்​டி​க​ளில் முத​லி​டம் பெற்ற அணி​கள் அரை இறு​திக்​குத் தகுதி பெற்​றன.​ அரை இறு​தி​யில் நெதர்​லாந்து அணி பிரே​சிலை வீழ்த்​தி​யது.​ மற்​றொரு அரை இறு​தி​யில் போலந்தை மேற்கு ஜெர்​மனி வென்​றது.​


இ​று​திச் சுற்​றில் மேற்கு ஜெர்​மனி 2-1 என்ற கணக்​கில் நெதர்​லாந்து அணியை வென்று கோப்​பையை 2-ம் முறை​யாக கைப்​பற்​றி​யது.​


இ​தற்கு முன்பு 1954-ம் ஆண்டு மேற்கு ஜெர்​மனி கோப்​பையை வென்​றி​ருந்​தது குறிப்​பி​டத்​தக்​கது.​

போ​லந்து வீரர் கிரெ​ஜோ​கோர்ஸ் லேட்டோ 7 கோல்​கள் அடித்து,​​ அதிக கோல​டித்த வீரர் என்ற பெரு​மை​யைப் பெற்​றார்.​


3 முறை உல​கக் கோப்பை கால்​பந்​துப் போட்​டி​யில்​சாம்​பி​யன் பட்​டம் வென்​ற​தால் 1970-ம் ஆண்​டில் ஜூ​லஸ் ரிமெட் கோப்பை நிரந்​த​ர​மாக பிரே​சி​லுக்கு வழங்​கப்​பட்​டது.​ இதை​ய​டுத்து உலக கால்​பந்து சம்​மே​ள​ன​னம் புதி​தாக ஒரு கோப்​பையை உரு​வாக்​கி​யது.​ இத்​தா​லி​யைச் சேர்ந்த புகழ்​பெற்ற கோப்பை வடி​வ​மைப்​பா​ளர் சில்​வியோ கஜா​நிகா இந்த கோப்​பையை வடி​வ​மைத்​தார்.​ அந்​தக் கோப்​பை​தான் தற்​போது சாம்​பி​யன் பட்​டம் வெல்​லும் அணி​க​ளுக்​கும் வழங்​கப்​பட்டு வரு​கி​றது என்​பது குறிப்​பி​டத்​தக்​கது.​


பத்​தா​வது உல​கக்​கோப்பை கால்​பந்து போட்​டி​யின்​போது நடை​பெற்ற மொத்​தம் 38 ஆட்​டங்​களை 17 லட்​சத்து 74 ஆயி​ரம் ரசி​கர்​கள் நேரில் கண்டு ரசித்​த​னர்.