நேரு பற்றி விமர்சனம்: நரேந்திர மோடிக்கு காங்கிரஸ் கண்டனம்

மராட்டியத்தில் நடந்த பாரதீய ஜனதா மாநாட்டில் குஜராத் முதல்- மந்திரி நரேந்திரமோடி கலந்து கொண்டு பேசும்போது, நேரு பிறந்தநாளை குழந்தைகள் தினமாக கொண்டாடுவது குறித்து விமர்சித்து பேசினார்.

அவர் கூறியதாவது:-

நேரு குழந்தைகள் மீது மிக பற்றுதலாக இருந்ததாக கூறி அவருடைய பிறந்தநாளை குழந்தைகள் தினமாக கொண்டாடுகிறார்கள். குழந்தைகள் தினத்தால் எதையும் சாதித்ததாக தெரிய வில்லை. குழந்தைகள் தினம் குழந்தைகளுக்கு என்ன செய்து இருக்கிறது. அவர்கள் இன்னும் ஏழைகளாகவும், பட்டினியால் வாடுபவர்களா கவும்தான் இருக்கின்றனர்.

என்னை பொறுத்தவரை லால்பகதூர் சாஸ்திரிதான் பெரிய தலைவர். நேருவை போல அவர் மற்றவர்களை கவர்ந்திருக்கும் தலைவர் அல்ல. அதனால்தான் அவரை மறந்துவிட்டோம். அவர் எழுப்பிய, ராணுவ வீரர்கள் வெல்லட்டும், விவசாயிகள் வெல்லட்டும், என்ற கோஷத்தை யாராலும் மறுக்க முடியாது. ராணுவ வீரர்களையும் விவசாயிகளை யும் சமமாக பார்த்தவர் லால் பகதூர் சாஸ்திரி.

இவ்வாறு அவர் கூறினார்.

நரேந்திரமோடியின் இந்த பேச்சுக்கு கண்டனம் தெரிவித்து காங்கிரஸ் செய்தி தொடர்பாளர் அபிஷேக் சிங்வி கூறியதாவது:-

நரேந்திரமோடி ஒரு ஆபத்தான மனிதர் என்பது அவரது பேச்சு மூலம் தெளிவாகி இருக்கிறது. நேரு, காந்தி, சாஸ்திரி பெயர்களை தேவை இல்லாமல் இழுத்து ஆபத்தான கருத்துக்களை பரப்ப பார்க்கிறார்.

காங்கிரஸ் கட்சிதான் காந்தி, நேரு, சாஸ்திரி போன்ற தலைவர்களை நாட்டுக்கு கொடுத்தது.

நரேந்திரமோடி எப்படிப்பட்டவர் என்பதை 2002 குஜராத் கலவரத்தின்போது எல்லோரும் தெரிந்து கொண்டோம்.

இந்த நாட்டுக்காக நரேந்திர மோடி என்ன செய்து இருக்கிறார். குழந்தைகளுக்காக அவர் என்ன செய்துள்ளார்? அவருடைய செயல்பாட்டினால் குஜராத்தில் ஏராளமான குழந்தைகள் அனாதை யானதுதான் அவரது சாதனை.

இவ்வாறு அவர் கூறினார்.

நரேந்திர மோடி சொல்வது சரிதான்