ஐந்து ஒரு நாள் தொடர் தென்னாபிரிக்கா வசம்

தென்னாபிரிக்கா- மேற்கிந்திய தீவுகள் அணிகளுக்கிடையில் இடம்பெற்ற ஐந்து ஒரு நாள் போட்டிகளில் தென்னாபிரிக்கா அணி 2 பந்துகள் மீதமிருக்க 1 விக்கெட்டால் மேற்கிந்திய தீவுகள் அணியை வெற்றி கொண்டதுடன் தொடரை ஐந்துக்கு பூச்சியம் என்ற கணக்கில் கைப்பற்றியுள்ளது.
நாணய சுழற்சியில் வெற்றி பெற்ற மேற்கிந்திய தீவுகள் அணி முதலில் துடுப்பெடுத்தாட தீர்மானித்தது. இதன்படி ஆரம்ப துடுப்பாட்ட வீரர்களாக ரிச்சட்ஸ் 19, கெய்ல் 12 ஓட்டங்களையும் எடுத்தனர். தொடர்ந்து சந்திரபோல் 67, டி.எம் பிராவோ 17, டி.ஜே பிராவோ 26, டிஒனரின் 53, போலர்ட் 25, சம்மி 19 ஓட்டங்களையும் எடுத்தனர்.

அணியின் உதிரிகளாக 14 ஓட்டங்கள் பெறப்பட்டது. மேற்கிந்திய தீவுகள் அணி நிர்ணயிக்கப்பட்ட 50 ஓவர்கள் முடிவில் 6 விக்கெட்டுக்களை இழந்து 252 ஓட்டங்களை எடுத்தது.

252 என்ற வெற்றி இலக்கை நோக்கி பதிலுக்கு துடுப்பெடுத்தாடிய மேற்கிந்திய தீவுகள் அணியில் ஆரம்ப துடுப்பாட்ட வீரர்களாக அம்லா 45, ஸ்மித் 12 ஓட்டங்களையும் எடுத்தனர்.

தொடர்ந்து களம இறங்கிய வீரர்கள் கலிஸ் 57, ஏ.பி.டி வில்லியர்ஸ்13, டுமினி 51, பௌச்சர் 06, போதா 24, எம்.சி லாரேன் 24, வண்டெர் மேர்வே 10, லாங்வெல்ற் 06,ரொஸ்ற்போர்ட் 04 ஓட்டங்களையும் பெற்றனர்.

அணியின் உதிரிகளாக 15 ஓட்டங்கள் பெறப்பட்டன. மேற்கிந்திய தீவுகள் அணி 49.4 ஓவர்கள் முடிவில் 9 விக்கெட்டுக்களை இழந்து 255 ஓட்டங்களை எடுத்தது. அணியின் ஓட்ட சராசரி வீதம் 5.13 ஆகும்.

போட்டிகளின் தொடர் ஆட்ட நாயகனாக அம்லா தெரிவு செய்யப்பட்டதுடன்,நேற்றைய போட்டியின் ஆட்ட நாயகனாக ஜக் கலிஸ் தெரிவு செய்யப்பட்டார். இதேவேளை நேற்றைய வெற்றியுடன் தென்னாபிரிக்கா அணி தொடரை ஐந்துக்கு பூச்சியம் என்ற கணக்கில் வென்றது.