இரு வரிக்கவிதைகள்

**சிவா** · **சிவா** Sat 4 Jul 2009 - 23:37

என்னோடு பேசும்
ஜன்னல் வழி நிலவே...
அவளோடும் பேசுவாயா...?

இரு வரிக்கவிதைகள் Lines_bb_004

நெடுநேரமாய் பேசும் நண்பன்
போகும்போது கேட்பானோ...
கடன்.

இரு வரிக்கவிதைகள் Lines_bb_004

வந்துவிடாதே... மழையே
பசியுடனே
சாலை ஓவியன்.

இரு வரிக்கவிதைகள் Lines_bb_004

இரங்கல் ஊர்வலம்
கதறியபடி...
கடன் கொடுத்தவன் மனசு.

இரு வரிக்கவிதைகள் Lines_bb_004

'குழந்தைத் தொழிலாளி ஒழிப்பு...'
போஸ்டர் ஒட்டும்
பிஞ்சுக் கைகள்.

இரு வரிக்கவிதைகள் Lines_bb_004

காது குத்தியதிலிருந்து அழுகிறாள்
இன்னும் ஏழைச்சிறுமி
கம்மல் கேட்டு.

இரு வரிக்கவிதைகள் Lines_bb_004

ஆலைச்சங்கு அலறுகிறது
இல்லை... இல்லை
ஏப்பமிடுகிறார் முதலாளி.

இரு வரிக்கவிதைகள் Lines_bb_004

ஊரெங்கும்
இலவச தண்ணீர்ப்பந்தல்
சிறுநீர் கழிக்க 50 பைசா.

இரு வரிக்கவிதைகள் Lines_bb_004

நேரம் சரியில்லை
நஷ்டத்தில் ஓடுகிறது
கடிகாரக் கடை.

இரு வரிக்கவிதைகள் Linesblue3

amloo · amloo Sat 4 Jul 2009 - 23:39

உங்க சொந்த கவிதையா???

சரி அண்ணா நான் கிளம்புகிறேன்...நாளை வேலை...

take care..gd nite..swt dream...bye frenzz...

Guest · Guest Sat 4 Jul 2009 - 23:39

கவிதை சூப்பர் ஆனால் இதை கோப்பி அடிச்சு எழுத எனக்கு காதலி இல்லை

**சிவா** · **சிவா** Sat 4 Jul 2009 - 23:42

தேன் தேடுதோ...
வண்டு
மலர் வளையத்தினுள்.

இரு வரிக்கவிதைகள் Lines_green

சூரபத்மனை வென்ற மகிழ்வில்
ஊர்வலம் வந்தார் முருகன்
எந்திர துப்பாக்கி காவலோடு.

இரு வரிக்கவிதைகள் Lines_green

நிலவில் வீடுள்ளவர்
பூமியில் வீசட்டும்...
அணுகுண்டு

இரு வரிக்கவிதைகள் Lines_green

என்னிடம் பேசாமல்
குருவியிடம் பேச்சு
நான் நட்ட மரம்.

இரு வரிக்கவிதைகள் Lines_green

பெய்துவிட்ட மழையோடு
இன்னுமென்ன வாதம்..?
தவளையின் சத்தம்!

இரு வரிக்கவிதைகள் Lines_green

பசித்தழுகிறது குழந்தை.
ரப்பர் மரத்தில் பால் வெட்டியபடி
வற்றிய மார்போடு அம்மா.

இரு வரிக்கவிதைகள் Lines_green

நெய்திட்ட நூலைவிட
கைத்திட்ட நூல் அதிகம்
ஏழையின் உடை.

இரு வரிக்கவிதைகள் Lines_green

நடுங்கும் குளிரில்
பயன்படாத போர்வையோடு
'கம்பளி'ப்பூச்சி.

இரு வரிக்கவிதைகள் Lines_green

யாருக்காகக் குப்பை மேட்டில்
குடையோடு காத்திருக்கிறது..?
காளான்!

இரு வரிக்கவிதைகள் Lines_green

முழுசாய் கரைந்துவிடுவேனோ...?
சந்தேகத்துடன்
விநாயகர்.

இரு வரிக்கவிதைகள் Lines_green

நெருப்பு மட்டுமல்ல
சிரிப்பும் காயப்படுத்தும்
காதலித்துப்பார்!

இரு வரிக்கவிதைகள் Lines_green

கதர் கண்காட்சி
துவக்கி வைத்தார் அமைச்சர்
'ஜீன்ஸ்' உடையில்!

இரு வரிக்கவிதைகள் Lines_green

சரளமாக ஆங்கிலம் பேச...
தொடர்ந்து பாருங்கள்
தமிழ் நிகழ்ச்சிகள் டி.வி.யில்.

இரு வரிக்கவிதைகள் Linesblue2

**சிவா** · **சிவா** Sat 4 Jul 2009 - 23:44

சொந்தக் கவிதையல்ல...
எழுதியது யாரென்றும் தெரியவில்லை..

Geocities தளம் விரைவில் மூடப்பட இருக்கிறது..
2003 முதல் என் இலவச இணையதளம் செயல்பட்டு வந்தது..
அவைகளை இங்கு மற்றிக்கொண்டு இருக்கிறேன்.

http://www.geocities.com/sivakumarsubburaman

**சிவா** · **சிவா** Sat 4 Jul 2009 - 23:45

நன்றி சென்றுவாருங்கள் அம்லூ!!!

ஈகரை இணையத்தின்
இனிய இரவு வணக்கங்கள்....

**Manik** · **Manik** Sun 5 Jul 2009 - 21:55

கவிதை அனைத்தும் அருமை
அதில் உள்ள தகவல் அனைத்தும் அருமை
இந்த தகவலை கொடுத்த சிவா சார் அருமை
சிவா சார் கொடுத்த இந்த ஈகரை அருமையோ அருமை..........

sudhakaran · sudhakaran Sun 5 Jul 2009 - 23:24

அருமையான கவிதைகள்

**சிவா** · **சிவா** Mon 6 Jul 2009 - 4:41

manekan2000 wrote:கவிதை அனைத்தும் அருமை
அதில் உள்ள தகவல் அனைத்தும் அருமை
இந்த தகவலை கொடுத்த சிவா சார் அருமை
சிவா சார் கொடுத்த இந்த ஈகரை அருமையோ அருமை..........

சிறு திருத்தம்... சிவாவின் பணி ஈகரை ஆரம்பித்ததுதான், ஆனால் அதன் வளர்ச்சியில் உங்கள் அனைவரின் பங்கும் உள்ளது என்பது தான் உண்மை. மேலும் உங்களின் ஆதரவு ஈகரை இணையத்துக்கு என்றும் தேவை.

இரு வரிக்கவிதைகள் Marieb11

Guest · Guest Mon 6 Jul 2009 - 9:15

படிக்க படிக்க திகட்டாத கவிதைகள் அன்பு மலர்

Sponsored content · Sponsored content

இரு வரிக்கவிதைகள்

இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

Re: இரு வரிக்கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக