தொடர் தோல்வி சீரியலுக்கு வந்த ஹீரோயின்

by ரபீக் Sat Jun 05, 2010 12:11 pm

'இவன்' படத்தில் பார்த்திபனால் அறிமுகப்படுத்தப்பட்டவர் மதுமிதா. முதல் படமே படுதோல்வி. கோடம்பாக்கம் சென்ட்டிமென்ட் தேசம் என்பதால், செல்லுகிற இடமெல்லாம் செல்லுபடியாகாமல் போனார் மதுமிதா. இந்த பொண்ணு நடிச்சா படம் ஊத்திக்கும் என்று சொல்லியே அவரை சீண்டுவதற்கு அஞ்சியது படவுலகம்.

இந்த பொல்லாத சென்ட்டிமென்ட்டை புழுத்துப் போக செய்வேன் என்று மதுமிதாவுக்கு வாய்ப்பு கொடுத்தார் சிம்புதேவன். இவர் இயக்கிய அறை எண் 305 ல் கடவுள் படத்தில் ஹீரோயினாக நடித்த மது, ஒருவருக்கும் போதை தரவில்லை என்பதை அப்பட்டமாக்கியது படத்தின் ரிசல்ட். அதன்பின் பெருத்த இடைவெளி. ஒன்றுமில்லாத ஜீவாவையும், புதுமுகம் கார்த்தியையும் கூட பெரிய லெவலுக்கு கொண்டு போன அமீர், மதுமிதாவுக்கும் அப்படி ஒரு லைஃப் தர முடிவெடுத்தார். யோகியில் மதுதான் கதாநாயகி. லைப் கொடுக்கப் போனவர் லைஃப் ஜாக்கெட் இல்லாமல் கடலில் குதித்த கதையாக தத்தளித்தது தனி சோகம்.

ஏரியில அலை வரலேன்னா ஓரமா நிக்குற பனை மரத்தை நோவானேன்? மதுமிதாவை பார்த்து உச் கொட்டினார்களே தவிர, உருப்படியாக ஒரு வாய்ப்பும் தரவில்லை யாரும்.. வேறு வழியில்லாமல் டி.வி சீரியலுக்கு வந்துவிட்டார் மதுமிதா. கேப்டன் டி.வி தயாரிக்கும் சீரியலில் நடிக்கப் போகிறாராம். பரபரப்பாக வேலைகள் நடந்து வருகிறது.

விடுங்க. இதுதான் சரியான ரூட்...