வளைந்து கொடுக்கிறார் நயன்தாரா

ரபீக் · ரபீக் Sat Jun 05, 2010 11:35 am

தெலுங்கு நடிகர் பாலகிருஷ்ணா, தேன்மாவின் கொம்பத்து நயன்தாரா மீது பித்து பிடித்து திரிகிறாராம். இத படிச்சிட்டு ஆந்திரா பார்ட்டிங்க அங்கேயிருந்து கல்லு விட்றாதீங்கப்பா.
இது வேற மாதிரியான அன்பு. என்.டி.ஆரின் வாரிசுகள்தான் இன்னைக்கு ஆந்திர சினிமாவுக்கே அத்தாரிடி என்கிற அளவுக்கு இருக்காங்க. இருந்தாலும் இந்த பாலகிருஷ்ணா, சினிமாவுல வெற்றிய பார்த்து பல வருஷமாயிருச்சு. அரிவாளில் ரத்தத்தை தடவி அதிரி புதிரியா வசனத்தை பேசினாலும், ஆறுன கஞ்சிப்பா இதெல்லாம்னு அலறி ஓட ஆரம்பிச்சிட்டாய்ங்க ரசிகர்கள்.

வரிசையாக தோற்றாலும், வகையாக ஒரு வெற்றி சிக்காதா என்று தொடர்ந்து முயன்ற பாலகிருஷ்ணா சமீபத்தில் ஒரு படத்தில் நயன்தாராவுடன் கைகோர்த்தார். அவ்வளவுதான். படம் டாப்போ டாப். வசூல் கொட்டி கொண்டேயிருக்க, ஃபேமிலி ஜோசியரை பார்த்து "இந்த யோகம் நிலைக்குமா, நீடிக்குமா"ன்னு கேட்டாராம் பாலகிருஷ்ணா. இந்த படம் ஓடுனதுக்கு காரணம் உங்க ராசி காரணமில்ல. அழகானப்பட்ட நயன்தாராவின் ராசிதான்னு சொல்லிட்டாராம் அவரு. ஜோசியம் பார்க்கிற விஷயத்தில டி.ராஜேந்தரே மண்ணை கவ்வுற அளவுக்கு சென்ட்மென்ட் பார்ட்டி இந்த பாலகிருஷ்ணா. விடுவாரா நயன்தாரவை?

எத்தனை கோடி கேட்டாலும் சரி, என் படத்தில இனி அவர்தான் ஜோடி என்கிறாராம். கட்டு சோத்துல புளியோதரைதான், ஆனா அது காஸ்ட்லியான ஹேண்ட் பேக்குக்குள்ளேங்கிற மாதிரி பாலகிருஷ்ணாவை அனுசரிச்சு போக ஆரம்பிச்சிட்டாராம் நயன்தாராவும். ஆக இந்த ஜோடி அடிக்கடி 'ரிப்பீட்' ஆகலாம்!