ஜெனிலியாவின் திமிர் பேச்சு!

arularjuna · arularjuna Sat Jun 05, 2010 11:56 am

தமிழ் சினிமாவில் அறிமுகமாகி, பிரபலமாகி, அதை வைத்து தெலுங்கு, இந்திக்குப் போன ஜெனிலியா, இப்போது தென்னிந்திய சினிமாவின் எதிர்ப்பையும் மீறி இலங்கை விழாவில் பங்கேற்றுள்ளார்.
அதோடு நில்லாமல், நான் தமிழ் சினிமா நடிகர் சங்கத்தில் உறுப்பினராகக் கூட இல்லை. இந்த எதிர்ப்பு அர்த்தமற்றது என்றும் கொழும்பில் வைத்துக் கூறியுள்ளதாக பிரபல சிங்கள நாளிதழ் செய்தி வெளியிட்டுள்ளது.

ஜெனிலியா அறிமுகமானது ஷங்கரின் பாய்ஸ் படத்தில். சச்சின் படத்தில் விஜய்க்கு ஜோடியாக நடித்து பிரபலமானார். சந்தோஷ் சுப்ரமணியம் படத்தில் நடித்து முன்னணி நடிகையாக உயர்ந்தார். இப்போது இந்தி, தெலுங்கில் பிஸியாக உள்ளார். விஜய்யின் வேலாயுதம் படத்தில் இருநாயகிகளுள் ஒருவராக இவர் நடிக்கவிருப்பதாக கூறப்பட்டது.

ஏற்கெனவே இவர், நடிகர் சங்கம் நடத்திய ஈழத்தமிழர் ஆதரவு உண்ணாவிரதத்தில் பங்கேற்கவில்லை. விளக்கம் கேட்டபோது, நான் நடிகர் சங்க உறுப்பினர் இல்லை என்றே கூறினார்.