அதிகாரி மனைவிக்கு செக்ஸ் டார்ச்சர் தந்த ராணுவ லெப்டினன்ட் ஜெனரல்

by ரபீக் Thu Jun 03, 2010 3:07 pm

இந்திய ராணுவக் குழுவினருடன் இஸ்ரேல் சென்றபோது ராணுவ ஊழியர் ஒருவரின் மனைவிக்கு செக்ஸ் டார்ச்சர் தந்தார் லெப்டினன்ட் ஜெனரல் பதவியில் உள்ள மூத்த அதிகாரி. இதையடுத்து அவரை இன்று ராஜினாமா செய்ய வைத்தார் ராணுவத் தளபதி.

இந்திய ராணுவத்தின் என்ஜினியரிங் பிரிவுக்குத் தலைமை தாங்கும் அதிகாரியான லெப்டினன்ட் ஜெனரல் ஏ.கே.நந்தா தலைமையில் ஒரு குழு தங்கள் குடும்பத்தினருடன் கடந்த மாதம் இஸ்ரேல் சென்றது.

அப்போது தனது தொழில்நுட்பப் பிரிவுச் செயலாளரின் மனைவியிடம் செக்ஸ் டார்ச்சரில் ஈடுபட்டுள்ளார் நந்தா.

இது குறித்து அந்தப் பெண் ராணுவத் தளபதி வி.கே.சிங்கின் மனைவியும், ராணுவ வீரர்கள் மனைவியர் நல சங்கத்தின் தலைவியுமான பாரதி சிங்கிடம் புகார் தந்தார்.

இதையடுத்து விசாரணை நடத்திய ராணுவத் தளபதி வி.கே. சிங் , புகாரில் உண்மையிருப்பது உறுதியானதால் நந்தாவை உடனடியாக பதவி விலகுமாறு உத்தரவிட்டார். இதைத் தொடர்ந்து அவர் தனது பதவியை ராஜினாமா செய்துள்ளார்.

செக்ஸ் தொல்லை தொடர்பான பிரச்சனைக்காக பதவியைவிட்டு தூக்கப்பட்டுள்ள இந்திய ராணுவத்தின் மிக மூத்த முதல் அதிகாரி இவர் தான்.