புளியம் பழத்தின்மருத்துவக்குணம்

சபீர் · சபீர் Sun Jun 13, 2010 1:43 pm

நார், கோட்டை நீக்கிய புளியம்பழத்தின் கதுப்புகளை மட்டுமே குழம்பு,
சாம்பார், ரசம், துவையல் முதலிய சமையல் பதார்த்தங்களுக்குச் சுவை சேர்க்கும்
பொருட்டுப் பயன்படுத்தி வருகிறோம்.
பெரும்பாலும் மருத்துவர்களும், மருத்துவ நூல்களும் பொதுவாக புளியம்பழத்தை
நிராகரிக்கக்கூருகின்றனர். காரணம் அதில் நிறைந்துள்ள சூடு குறித்த பயமே. ஆனால்
பக்குவப்படுத்தப்பட்ட பழம்புளியை உபயோகிக்கலாம் என்று கூறுகின்றனர்.
வாத, பித்த கபத்தையும் சூலை, சிலேத்தும கோபம், வாந்தி, பைத்தியம் முதலானவற்றை
நீக்கும் குணம் பழம்புளிக்கி உண்டு என்று காரணம் கூறுகின்றனர்.
ஆயுர்வேத மருத்துவ முறைப்படி புளி பசியைத் தூண்டும், மலமிளக்கும், வெப்பம்
தரும், இதயத்திற்கு வலுக்கொடுக்கும், புழுக்களைக் கொள்ளும், கோழையை அகற்றும்,
காயங்களையும் முறிந்த எலும்புகளையும் குணப்படுத்தும், குளிர்ச்சி தரும்
பொருளாகவும், செரிமானப் பொருளாகவும், மதுவகைகள், ஊமத்தை முதலியவற்றால் உண்டாகும்
மயக்கத்தைத் தவிர்க்கும் மருந்தாகவும் புளி பயன்படுகிறது.
தென்னாட்டில் புளி உபயோகப்படுத்தாத வீட்டையோ, சமையலரையையோ காண்பதரிது.
கோடைக்காலத்தில், புளியைக் கரைத்துக்கொண்டு அதில் வெல்லம் சிறிதளவு
வேர்ரிளைக்குத் தடவும் சுண்ணாம்பு சேர்த்து பானகம் என்று தயாரிப்பார்கள். இந்தப்
பானம் தாக்கத்தை தனிப்பதோடு, சூட்டினால் ஏற்படும் நீர்க்கடுப்பு நோயையும்
குணமாக்குகிறது.
ஒரு நெல்லிக்காயளவு புளிச்சதயோடு சமபாகம் சுத்தமான சுண்ணாம்பு சேர்த்துக்
குழைத்தால் கலவை வெப்ப நிலையடையும். அக்கலவையை தேள் விஷம் இறங்கும். இது
பழக்கத்தில் இருக்கும் தொன்மையான கிராமிய முறை.
சமபங்கு புளியையும், உப்பையும் சேர்த்தரைத்து உள்நாக்கில் தடவ, லான்சில் என்னும்
உண்ணாக்கு வளர்ச்சி கரைந்து போகும்.
ஊமையடிப்பட்டு இரத்தக் கட்டும் வீக்கமும் ஏற்பட்டால் உப்பிட்டுப் புளியைக்
கரைத்து இரும்புக் கரண்டியில் ஊற்றிக் காய்ச்சிய குழம்பை இளஞ்சூட்டுடன் தடவிப்
பற்றிட நல்ல பாகன் கிட்டும்.
புளியிளையுடன் சமபங்கு வேப்பிலை சேர்த்து இடித்தெடுத்து எட்டுப்பங்கு
நீர்விட்டுக் கொதிக்க வைத்து புங்களுக்குக் கழுவி வந்தால், ஆறாத இரணங்கள் விரைவில்
ஆறும்.
பழம் புளியையோ, புதுப் புளியையோ சமையலுக்குப் பயன்படுத்தும்போது, சமைப்பதற்கு
ஒரு மணி நேரத்திக்கு முன் தேவையான புளியை தேவைப்படும் சாற்றளவுக்கு சொடுநீரில்
ஊறவைத்து ஒரு மணி நேரத்திற்குப் பிறகு, புளியைக் கரைக்காது அப்படியே அந்த நீரை
வடிகட்டி எடுத்துப் பயன்படுத்தினால் எதற்கும் அஞ்சத்தேவையில்லை.
புளியம் பழம் குறித்து விரிவாக ஆராய்ந்த காந்திஜி, அதனால் உடலுக்குத் தீங்கில்லை
என்றே கண்டறிந்தார்.
ஓர் அவுன்ஸ் புளியம் பழத்தில் உள்ள சத்துகள்
வைட்டமின்கள் ஏ – 28 மி.கி., பி – 1.17 மி.கி., சி – 1 மி. கி., இரும்புச் சத்து
3.1 மி. கி., சுண்ணாம்புச் சத்து 48 மி. கி., மற்றும் சர்க்கரைச் சத்தும், குளுகோஸ்
சத்தும் உள்ளன. இதன் கலோரி மதிப்பு 82.

மஞ்சுபாஷிணி · மஞ்சுபாஷிணி Sun Jun 13, 2010 1:46 pm

ஆஹா எனக்கு ரொம்ப பிடிக்கும் புளியம்பழம்.. நான் பள்ளிக்கூடத்தில் படிக்கும்போது டி செல்வராணி எனக்காக தினமும் கருப்பட்டி பாகில் ஊறவைத்த புளியம்பழம் கொண்டு வந்து தருவா சாப்பிட ரொம்ப ருசியா இருக்கும்... அதுல இத்தனை மருத்துவ குணங்கள் இருப்பது இப்ப தான் தெரிகிறது... அன்பு நன்றிகள் சபீர் பகிர்ந்தமைக்கு...

நவீன் · நவீன் Sun Jun 13, 2010 2:03 pm

**ரிபாஸ்** · **ரிபாஸ்** Sun Jun 13, 2010 2:28 pm

R.Thiripurakumar · R.Thiripurakumar Sun Jun 13, 2010 4:34 pm

எனக்கு எச்சில் ஊருகிறது

சபீர் · சபீர் Sat Jun 19, 2010 1:43 pm

மஞ்சுபாஷிணி wrote:ஆஹா எனக்கு ரொம்ப பிடிக்கும் புளியம்பழம்.. நான் பள்ளிக்கூடத்தில் படிக்கும்போது டி செல்வராணி எனக்காக தினமும் கருப்பட்டி பாகில் ஊறவைத்த புளியம்பழம் கொண்டு வந்து தருவா சாப்பிட ரொம்ப ருசியா இருக்கும்... அதுல இத்தனை மருத்துவ குணங்கள் இருப்பது இப்ப தான் தெரிகிறது... அன்பு நன்றிகள் சபீர் பகிர்ந்தமைக்கு...

நன்றிக்கா.நீங்கள் ஊரவைத்த கதைசொல்லும்போது எனது வாய்ஊறுதுக்கா புளியம் பழத்தின்மருத்துவக்குணம் Icon_smile