ஒஸாமா பின்லேடனை நெருங்குகிறது அமெரிக்க படை?

ரபீக் · ரபீக் Thu Jun 03, 2010 10:57 am

அல் - காய்தா பயங்கரவாத இயக்கத் தலைவர் ஒஸாமா பின்லேடன் உயிருடன் உள்ளாரா இல்லையா என்பது குறித்து மாறுபட்ட தகவல்கள் உள்ள நிலையில், அவரை தாங்கள் நெருங்கி விட்டதாக அமெரிக்க படையினர் தெரிவித்துள்ளதாக தகவல் வெளியாகி உள்ளது.
ஆப்கானிஸ்தானில் முகாமிட்டுள்ள அமெரிக்க படையினர், ஆப்கான் - பாகிஸ்தான் எல்லையில் அல் - காய்தா உயர்மட்ட தலைவர்கள் பதுங்கியிருக்கும் இடத்தை குறிவைத்து கடந்த பல வாரங்களாக தொடர்ந்து நடத்தி வரும் ஏவுகணை தாக்குதல்களால், அந்த இயக்கத்தின் பல முக்கிய தலைவர்கள் கொல்லப்பட்டுவிட்டனர்.

குறிப்பாக பின்லேடனுக்கு நெருக்கமான, அவருக்கு அடுத்தபடியாக மூன்றாம் நிலையில் உள்ள தலைவர் கூட கொல்லப்பட்டுவிட்டார்.

இந்நிலையில், தற்போது தாங்கள் பின்லேடனுக்கு அடுத்தபடியாக உள்ள இரண்டாம் நிலை தலைவரை நெருங்கிவிட்டதாகவும், இதனால் லேடனையும் (ஒருவேளை உயிருடன் இருந்தால்) தாங்கள் நெருங்கிக்கொண்டிருப்பதாகவும் அமெரிக்க இராணுவ கமாண்டர்கள் தெரிவித்துள்ளதாக அமெரிக்க ஊடகம் ஒன்று செய்தி வெளியிட்டுள்ளது.