புளூ பிலிமெடுத்து மனைவிக்கு செக்ஸ் டார்ச்சர்: கணவரை பிடிக்க புதுச்சேரி விரைந்தது போலீஸ்

பேரூர்: பணத்துக்காக, "புளூ பிலிம்' எடுத்து மனைவிக்கு செக்ஸ் டார்ச்சர் கொடுத்த கணவரையும், உடந்தையாய் இருந்த உறவினர்களையும் பிடிக்க, பேரூர் பெண் போலீசார், புதுச்சேரி விரைந்துள்ளனர். கோவை மாவட்டம் பேரூர், பச்சாபாளையம், கோவை கார்டன் பகுதியைச் சேர்ந்தவர் சவுந்தரபிரியா(29); பட்டதாரி. இவருக்கும் புதுச்சேரி மாநிலம், பாரதிபுரம், பாரதிதாசன் வீதியைச் சேர்ந்த ஐசக் கோபிநாத்(30) என்பவருக்கும் எட்டு மாதம் முன் திருமணம் நடந்தது.

திருமணத்தின் போது, 25 சவரன் நகை, 11 லட்சம் மதிப்பிலான கட்டில், பீரோ உள்ளிட்ட வீட்டு உபயோகப் பொருட்கள், அபாச்சி மோட்டார் பைக், இரண்டு லட்சம் ரூபாய் மதிப்பு "செக்' ஆகியன, மாப்பிள்ளைக்கு சீர்வரிசையாக வழங்கப்பட்டது. கல்யாணம் ஆனதும், புதுச்சேரியில் ஐசக் கோபிநாத்தின் பெரியம்மா சரோஜா வீட்டில் தம்பதி வசித்தனர். இந்நிலையில், "மேலும் பணம், நகை வேண்டும்' எனக் கேட்டு, ஐசக் கோபிநாத், தன் மனைவியை அடித்து துன்புறுத்தினார். தன் நண்பர்களை வீட்டுக்கு அழைத்து வந்து அவர்களுடன், "செக்ஸ் உறவில்' ஈடுபடுமாறு கூறி டார்ச்சர் கொடுத்துள்ளார். சவுந்தரபிரியா மயங்கிய நிலையில் இருந்தபோது, வேறு சிலருடன், "செக்ஸ் உறவு' வைத்துள்ளது போல், "புளூ பிலிம்' எடுத்து வைத்துக் கொண்டு, 10 லட்சம் ரூபாய் கேட்டு மிரட்டியுள்ளார். "பணம் தராவிட்டால், புளூ பிலிம் படங்களை இன்டர்நெட்டில் வெளியிடுவேன்' எனவும் கூறியுள்ளார்.

விரக்தியடைந்த சவுந்தரபிரியா, தன் கணவர் மீது நடவடிக்கை எடுக்குமாறு பேரூர் டி.எஸ்.பி., ஆபீசில் புகார் மனு கொடுத்தார். அதை பரிசீலித்த பேரூர் டி.எஸ்.பி., முத்தரசு, விசாரணை நடத்தும்படி பேரூர் பெண் போலீசாருக்கு உத்தரவிட்டார். ஐசக் கோபிநாத், அவருக்கு உடந்தையாக இருந்த பெரியம்மா சரோஜா (60), ராமன் உட்பட மொத்தம் நான்கு பேர் மீது, பேரூர் பெண் போலீசார் வழக்கு பதிவு செய்துள்ளனர். விசாரணைக்காக, போலீசார், புதுச்சேரி விரைந்துள்ளனர்.