பாகிஸ்தானில் 6 மாத குழந்தையை மணந்த 25 வயது வாலிபர்

by arularjuna Wed Jun 02, 2010 11:00 am

பாகிஸ்தானில் கராச்சி அருகே உள்ள ரேரிகோத்தா பகுதியை சேர்ந்தவர் நசீர். இவருக்கு ஜிர்கா என்ற மகள் இருக்கிறார். இவளுக்கும், பக்கத்து வீட்டை சேர்ந்த ஆலம்ஷெப் என்பவருக்கும் பழக்கம் ஏற்பட்டது. நாளடைவில் காதலாக மாறியது.

ஆலம்ஷெப் திருமண மானவர். இவருக்கு 3 குழந்தைகள் உள்ளனர். இருந்தும் அவர் ஜிர்காவை கடத்தி சென்று திருமணம் செய்து கொண்டார். இதனால் 2 குடும்பங்களுக்கும் இடையே விரோதம் ஏற்பட்டது.

அவர்களுக்கு இடையே சமாதானம் செய்ய நடந்த முயற்சிகள் பலனளிக்க வில்லை. பகை வளர்ந்து கொண்டே சென்றது. இதற்கு முடிவு கட்டி இரு குடும்பத்தினருக்கும் இடையேயான உறவை மேலும் பலப்படுத்த ஜிர்கா திட்டமிட்டாள்.

ஆலம் ஷெப்புக்கு முதல் மனைவி மூலம் 6 மாத பெண் குழந்தை இருந்தது.

அந்த குழந்தையை தனது 25 வயது அண்ணனுக்கு திருமணம் செய்து வைக்க ஜிர்கா முடிவு செய்தாள். அந்த யோசனையை தனது கணவரிடம் தெரிவித்தாள். அதை ஏற்றுக்கொண்ட அவர் இந்த திருமணத்துக்கு ஏற்பாடு செய்தார்.

இதைத்தொடர்ந்து ஊரார் முன்னிலையில் 25 வயது வாலிபர் 6 மாத கைக்குழந்தையை திருமணம் செய்து கொண்டார்.

இதைத்தொடர்ந்து ஒரு திருமணத்தால் 2 குடும்பத்திற்கு இடையே ஏற்பட்ட பகை உணர்வு மற்றொரு திருமணத்தினால் முடிவுக்கு வந்தது.