ஞாபக முட்கள்

ஜாவிட் ரயிஸ் · ஜாவிட் ரயிஸ் Tue Jun 01, 2010 7:47 am

First topic message reminder :

ஞாபக முட்கள் - Page 2 489875885_nLunG-XL

என் அரைசாண் இதயத்தின்
அந்தம் வரை தொட்டவளே!
ஆழமான உன் மனதை
ஆக்கிரமித்து- இன்று
ஓரமாய் கிடப்பவன் நான் !
◙

பனித்துளி-
சூரியனில் நிழல் கண்டதும்
சூரியன் சென்று
பனியில் குளிர்க்காய்ந்ததும்
ஒரு காலம்

பனித்துளியே சூரியனை
சுட்டெரிப்பது என் நிகழ்காலம்
◙

ஒற்றை பார்வையிலே
உயிரை இடம் பெயர்த்தவளே
இன்று
பெயர்த்த இதயத்தை
ஒளித்துகொண்டதேன்?
◙

உன் நினைவுகளை வரவேற்க
என் இதயத்தில்
அரண்மனை அமைத்து வைத்திருக்கிறேன்

நீயோ
புதைகுழி தேடிக்கொண்டிருக்கின்றாய்
என் நினைவுகளை புதைப்பதற்கு
◙

உன் மனதை நானும்
என் மனதை நீயும்
உடுத்திக்கொண்டு
என்னில் நீயும்
உன்னில் நானும்
உறைந்துபோன

அந்த நிமிஷங்கள்
என் சவப்பெட்டியை கண்டதும் தான்
உன் நினைவுக்கு வருமா?
◙

"போகிறேன்" என்றதுமே
"போய் வா!" என்று சொல்ல
பொய்த்துப்போன

உன் நாவு
"வந்திருக்கிறேன்" என்றதும்
"போய்விடு!" என்று சொல்ல
வழி பார்த்துக் கொண்டிருந்ததேன்?
◙

என் நினைவுகள் வராமலிருக்க
உன் மனதுக்குள் - என்ன
ஊரடங்கு சட்டமா?

-ஜாவிட் ரயிஸ்