சினிமா துனுக்குகள்

**சிவா** · **சிவா** Mon Oct 06, 2008 5:54 am

ஹாலிவுட்டை கலக்கப் போகும் ரஜினி - கமல்!

இனி நடித்தால் உலகளாவிய படங்கள் தான் என்ற முடிவில் இருக்கும் ரஜினி, "எந்திரன்' படத்தை ஹாலிவுட் தியேட்டர்களிலும் திரையிட்டு உலக ரசிகர்களின் பார்வைக்கு செல்ல திட்டமிட்டுள்ளார்.

இதையறிந்து, "மர்மயோகி'யை தமிழ், தெலுங்கு, இந்தி ஆகிய மொழிகளில் மட்டுமே படமாக்க நினைத்திருந்த கமலும், இப்போது, ஆங்கிலத்திலும் படமாக்கி உலகமெங்கும் திரையிட முடிவு செய்துள்ளார். "இந்த முயற்சி, போட்டி அல்ல, தமிழ் சினிமாவை உலக கலைஞர்களின் கவனத்துக்கு கொண்டு செல்லும் முயற்சியே...' என்கிறார் கமல்.

**சிவா** · **சிவா** Mon Oct 06, 2008 5:54 am

"தல'யின் பரிமாணம்!

"ஏகன்' படத்தில் தாடி கெட்டப்புடன் மாறுபட்ட அவதாரம் எடுத்திருக்கும் அஜீத், ஓப்பனிங்கில் இளவட்டமாகவும் தோன்றுகிறார். கல்லூரியில் படிக்க செல்பவர் நாயகியை விரட்டி, விரட்டி காதல் செய்யும் காட்சிகள் செம கலக்கலாக படமாக்கப்பட்டுள்ளது. ஆக, "ஏகன் தலயின் பல பரிமாணங்களை வெளிப்படுத்தும் படம்!' என்கிறார் அப்பட இயக்குனர் ராஜு சுந்தரம். சினிமா துனுக்குகள் Vmr-10B

**சிவா** · **சிவா** Mon Oct 06, 2008 5:56 am

விஜய் குத்துப்பாட்டு!

த்ரிஷா தனக்கு ஜோடி என்றால் மிதமான குத்துப் பாடல்களையே கேட்கும் விஜய், "வில்லு'வில் நயன்தாரா ஜோடி என்றதும், "கோடம்பாக்க ஏரியா...' பாடல் அளவுக்கு அத்தனை பாடல்களையும், பாஸ்ட் பீட்டாக கேட்டு வாங்கியுள்ளார். அதில் ஒரு பாடலில், விஜய் வேஷ்டியை மடிச்சி கட்டி, தொடை தட்ட, சேலையை அள்ளி இடுப்பில் சொருகி, சீட்டி அடித்து ரவுண்டு கட்டி ஆடியுள்ளார் நயன்தாரா.

**சிவா** · **சிவா** Mon Oct 06, 2008 5:57 am

தமன்னா சிபாரிசு!

இந்த பூனையும் பால் குடிக்குமா என்பது போல் காட்சி தரும் தமன்னா, எதேச்சையாக யாராவது இளவட்ட ஹீரோக்களைக் கண்டு விட்டால், அவர்கள் மீது எகிறிக் குதித்து அன்பை அள்ளி விடுகிறார். தமன்னாவின் அன்பில் சிக்கிய விஷால், தெலுங்கில் தான் நடிக்கும் புதிய படத்தில் நடிக்க அம்மணிக்கு பிரத்யேக சிபாரிசு செய்துள்ளார். இதனால், ஏற்கனவே இருந்ததை விடவும் தமன்னாவின் தெலுங்கு மார்க்கெட் பரபரப்பு கண்டுள்ளது. எத்தனை பேர் துடுப்புப் போட்டாலும் தோணி போவது சுக்கான் பிடிப்பவன் கையில் இருக்கிறது!

**சிவா** · **சிவா** Mon Oct 06, 2008 5:58 am

நமீதா எதிர்ப்பு

"சண்டை' படத்தைப் போலவே, "தீ' படத்திலும் ராகினியை மெயின் ஹீரோயினாக்கி விட்டு, நமீதாவை டம்மியாக்கி விட்டார் சுந்தர்.சி. அதுமட்டுமின்றி, ரகசியா பாணியில், "வள்ளியம்மா... வள்ளியம்மா...' என்ற குத்தாட்ட பாடலில் நமீதாவை, "டண்டணக்கா' ஆட்டம் போடவைத்து குத்தாட்ட நடிகையாக்கி விட்டார். இதனால், கடுப்பாகிப் போன நமீதா, சொன்னபடி படப்பிடிப்பில் ஆஜராகாமல் டேக்கா கொடுத்து தன் எதிர்ப்பைக் காட்டி வருகிறார். சொன்னதை விட்டு சுரையைப் பிடுங்குகிற மாதிரி!

**சிவா** · **சிவா** Mon Oct 06, 2008 5:59 am

பாவனா முறையீடு!
சினிமா துனுக்குகள் Vmr-10g

"ஜெயம் கொண்டான்' படத்தில் தான் ஓரளவு தாராளம் காட்டி நடித்த சீன்கள் கத்தரிக்கப்பட்டு விட்டதாக புலம்புகிறார் பாவனா. இதை சில படாதிபதிகளிடம் சொல்லி வரும் அம்மணி, "ஒரு சான்ஸ் தந்தால் அதிரடி ஆக்ட் கொடுக்கவும் நான் ரெடி!' என்றும் முறையிட்டு வருகிறார். சேதியறிந்த சில முன்வரிசை நாயகர்கள், "கண்கெட்ட பிறகு சூர்ய நமஸ்காரம் எதற்கு?' என்று பாவனாவை கிண்டல் செய்து வருகின்றனர்.