பண ஆசை காட்டும் மோசடி மின்னஞ்சல், எஸ்எம்எஸ்களை நம்பாதீர்கள்

ரபீக் · ரபீக் Mon 31 May 2010 - 12:37

பல கோடி பணம் பரிசு கிடைத்துள்ளது என்று வரும் மின்னஞ்சல் மற்றும் செல்போன் எஸ்எம்எஸ்களை நம்ப வேண்டாமென்று ரிசர்வ் வங்கி தெரிவித்துள்ளது.
ரிசர்வ் வங்கி வெளியிட்டுள்ள அறிக்கையில் கூறியிருப்பதாவது:

இ&மெயில் முகவரிகள், போன் எண்களைத் தெரிந்து கொள்ளும் பண மோசடி நிறுவனங்கள், மக்களை ஏமாற்றி வருவதாக புகார்கள் அதிகரித்துள்ளன. அதிர்ஷ்ட குலுக்கலில் தேர்வு செய்யப்பட்டுள்ளதாக தாங்களாக இ&மெயில் அனுப்புகின்றனர். எஸ்எம்எஸ், கடிதங்கள் வழியாகவும் இதுபோன்ற கவர்ச்சி வசனங்களை அனுப்புகின்றனர்.

கோடிக்கணக்கான ரூபாயைப் பெற பரிவர்த்தனைக் கட்டணம், பிராசசிங் கட்டணம், வரிகள், பணமாற்று கட்டணம் என்ற பல பெயர்களில் பரிசுப் பணத்தில் குறிப்பிட்ட சதவீதத்தை கட்டுமாறு மோசடி நிறுவனங்கள், தனிநபர்கள் தெரிவிக்கின்றனர். அதை நம்பி லட்சக்கணக்கான பணத்தை பலர் இழந்துள்ளனர்.

மோசடி பேர்வழிகளில் பலர் ரிசர்வ் வங்கி கடிதப் பக்கங்களையும் (லெட்டர்ஹெட்), உயரதிகாரிகள் கையெழுத்தை போலியாகவும் இ&மெயிலில் அனுப்பி மக்களை நம்ப வைக்கின்றனர். ஏமாறுவோரிடம் குறிப்பிட்ட தொகையை வங்கிக் கிளையில் செலுத்தச் செய்கின்றனர்.

வெளிநாடுகளைச் சேர்ந்த மோசடி நிறுவனங்கள், தனிநபர் பெயரில் தொடங்கப்படும் இதுபோன்ற வங்கிக் கணக்குகளில் அப்பாவிகள் டெபாசிட் செய்யும் தொகையை உடனுக்குடன் எடுத்து, ஏமாற்றி விடுகின்றனர். இதுபோல ஏமாற்றும் நோக்கத்துடன் வங்கிக் கணக்குகள் தொடங்கப்படுவது தெரிய வந்துள்ளது. அந்த கணக்குகளில் நடைபெறும் பண பரிவர்த்தனை பற்றி கூடுதல் கவனம் செலுத்த வங்கிகளுக்கு அறிவுறுத்தப்பட்டுள்ளது.

வெளிநாட்டைச் சேர்ந்தவர்களின் வங்கிக் கணக்குகளில் நம்நாட்டினர் யாரேனும் மக்களிடம் ஏமாற்றி வசூலித்த பணத்தை டெபாசிட் செய்வது அன்னியச் செலாவணி நிர்வாக சட்டம் 1999 மற்றும் பண மோசடி தடுப்பு சட்டத்தின்படி குற்றமாகும். இதுபோன்ற நபர்களிடம் வங்கிகள் எச்சரிக்கையாக இருப்பதுடன், உடனுக்குடன் புகார் அளித்து மக்கள் ஏமாறுவதைத் தடுக்க வேண்டும்.

balakarthik · balakarthik Mon 31 May 2010 - 12:41

திட்டம் போட்டு திருடர கூட்டம் திரிடிகொன்டே இருக்குது அத சட்டம் போட்டு தடுக்கற கூட்டம் தடுத்துக்கொண்டே இருக்குது திருடராய் பார்த்து திருந்தாவிட்டால் திருட்டை ஒழிக்க முடியாது

சாந்தன் · சாந்தன் Mon 31 May 2010 - 12:43

balakarthik wrote:திட்டம் போட்டு திருடர கூட்டம் திரிடிகொன்டே இருக்குது அத சட்டம் போட்டு தடுக்கற கூட்டம் தடுத்துக்கொண்டே இருக்குது திருடராய் பார்த்து திருந்தாவிட்டால் திருட்டை ஒழிக்க முடியாது

பண ஆசை காட்டும் மோசடி மின்னஞ்சல், எஸ்எம்எஸ்களை நம்பாதீர்கள் 359383

**ராஜா** · **ராஜா** Mon 31 May 2010 - 13:43

பயனுள்ள பதிவு , நன்றி ரபீக் பண ஆசை காட்டும் மோசடி மின்னஞ்சல், எஸ்எம்எஸ்களை நம்பாதீர்கள் 678642

பண ஆசை காட்டும் மோசடி மின்னஞ்சல், எஸ்எம்எஸ்களை நம்பாதீர்கள் 154550

இந்த பதிவைத் துவங்கியவர் நன்றி கூறியுள்ளார் ராஜா

**krishnaamma** · **krishnaamma** Mon 31 May 2010 - 21:52

தற்போது நாட்டுக்கு தேவையான தகவல். நன்றி !

**krishnaamma** · **krishnaamma** Mon 31 May 2010 - 21:53

balakarthik wrote:திட்டம் போட்டு திருடர கூட்டம் திரிடிகொன்டே இருக்குது அத சட்டம் போட்டு தடுக்கற கூட்டம் தடுத்துக்கொண்டே இருக்குது திருடராய் பார்த்து திருந்தாவிட்டால் திருட்டை ஒழிக்க முடியாது

இந்த வார்த்தைகள் அக்ஷர லக்ஷம் பெரும் !