முத்தரப்பு கிரிக்கெட்: ஜிம்பாப்வே அணி வெற்றி

**சிவா** · **சிவா** Fri May 28, 2010 9:09 pm

ஜிம்பாப்வேயில் நடந்து வரும் முத்தரப்பு கிரிக்கெட் போட்டியின் தொடக்க ஆட்டத்தில் இந்தியா ஜிம்பாப்வே அணிகள் மோதின. இதில் டாஸ் வென்ற முதலில் பேட்டிங் செய்த இந்திய அணி 50 ஓவர்களில் 5 விக்கெட் இழப்புக்கு 285 ரன்கள் எடுத்தது.

அதிகபட்சமாக ரோகித் சர்மா 119 பந்துகளில் 6 பவுண்டரி, 4 சிக்சருடன் 114 ரன்கள் எடுத்தார். இது அவர் அடித்த முதல் சதமாகும். ரவீந்திர ஜடேஜா 61 பந்துகளில் 5 பவுண்டரிகளுடன் 61 ரன்களும், கேப்டன் ரெய்னா 53 பந்துகளில் 2 பவுண்டரிகளுடன் 37 ரன்களும் எடுத்தனர்.

பின்னர் களம் இறங்கிய ஜிம்பாப்வே அணி 48.2 ஓவர்களில் 4 விக்கெட் இழப்பிற்கு 289 ரன் எடுத்தது. இதையடுத்து 6 விக்கெட் வித்தியாசத்தில் வெற்றி பெற்றது.

அதிகப்பட்சமாக டெய்லர் 103 பந்துகளில் 81 ரன் எடுத்தார். இதில் 4 பவுண்டரிகளும் 2 சிக்சரும் அடங்கும். எர்வின் 60 பந்துகளில் 5 பவுண்டரிகளுடன் 67 ரன் எடுத்து இறுதிவரை ஆட்டம் இழக்கவில்லை.