மிஸ்டர்.மொக்கை

மிஸ்டர்.மொக்கை தன்னுடைய காரில் வீடு திரும்பிக்கொண்டிருந்தார். மனதுக்குள் ஏதோ குறுகுறுப்பு. எதையோ ஒன்றை தவறவிட்டதைப்போல உணர்வு. காரை ஓரமாக நிறுத்தி, தான் ஷாப்பிங் செய்த பொருட்களை சரிபார்த்தார்

மனைவிக்கு வாங்கிய புடவை, மகளுக்கு வாங்கிய பொம்மை, தனக்கு வாங்கிய அலைபேசி, மற்றும் பணப்பை, கடன் அட்டை, இத்யாதி எல்லாம் சரியாகவே இருந்தன.
மீண்டும் காரைக் கிளப்பினார். மறுபடியும் அதே தவற விட்ட உணர்வு. ஓட்டுநர் உரிமம்..? காரை நிறுத்தி சரிபார்க்க அதுவும், மற்ற ஆவணங்களும் இருக்கவே, திருப்தியுடன் இல்லம் வந்தடைந்தார்.
மொக்கையைக் கண்ட மகள் ஆவலோடு ஓடிவந்தாள்..

” ஹையா…!!!!!!… டாடி வந்தாச்சு.. டாடி… அம்மா எங்கே..? காரில் காணோமே..?”

சூப்பர் மச்சி நன்றி

இது மறதியினால் ஏற்பட்டதல்ல ஷெரீன்!!!
வேண்டுமென்றே தொலைத்துவிட்டு வந்துவிட்டார்!

வீட்டில் மூட்டைப்பூச்சி தொல்லை அதிகரிக்கவே, மொக்கையிடம் அவர் மனைவி தெளிப்பான் குப்பி (ஸ்ப்ரே கேன்) வாங்கிவரச் சொன்னாள். அவரோ தவறுதலாக, கரப்பான்பூச்சி தெளிப்பானை வாங்கிவந்துவிட, மனைவி என்ன செய்வதென்று தெரியாமல் குழம்பினாள்.. மொக்கை, உதவிக்கு வந்தார்..
” கேன்ல “கரப்பான்க‌ளுக்கானது” போட்டிருக்கறதை அந்த மூட்டைபூச்சிகளுக்கு,காட்டாம அடி..!

மிஸ்டர்.மொக்கையின் முதல் விமானப் பயணம்..!

மொக்கை முதன்முதல் விமானம் ஏறியது அன்றுதான்.. எதைக் கண்டாலும் பயந்து மொக்காலியாக இருந்தபோது பக்கத்து இருக்கையில் ஒரு முரட்டு நாய் வந்து அமர்ந்தது. அதை அடுத்து நாயின் உரிமையாளர் வந்து அமர்ந்தார். நாய் ஒரு விரோதப்பார்வையை மொக்கையின்மீது வீச, எப்போது நாய் குரல்வளையையோ, அல்லது வேறேதாவதையோ கொத்தோடு கவ்விவிடுமோ என்ற பயம் வேறு அவரை வாட்டியது. இருந்தாலும் தைரியத்தைத் திரட்டி, நாய்க்காரரைக் கேட்டார்..

எப்புடிங்க? நாயெல்லாம் ப்ளேனுக்கு உள்ள விட்டுருக்காங்க..?

“இது சாதாரண நாய் இல்லீங்க.. ரொம்ப புத்திசாலி.. அரசாங்க மெடல் எல்லாம் வாங்கியிருக்கு.. இப்போ பாருங்களேன்..
( நாயை நோக்கி) சாம்சன்.. தேடு..!”

நாய் இருக்கையிலிருந்து குதித்து ப்ளேனுக்குள் மோப்பம் பிடித்தவாறே சென்றது. ஒரு இளைஞன் அருகில் போய் நின்றது. பின் திரும்ப வந்து தன் இருக்கையில் ஏறி ஒரு முன்னங்காலைத் தூக்கி தன் எஜமானன் மீது வைத்தது.

மொக்கை கேட்டார்..”என்னாச்சுங்க?”
“அந்த இளைஞன் போதை மருந்து வச்சிருக்கான்.. சாம்சன் கண்டுபிடிச்சிட்டுது. ப்ளேன் இறங்கியதும் அவன் கைது செய்யப்படுவான்.”

“அட.. ஆச்சரியமா இருக்கே..!”

“இன்னும் பாருங்க.. சாம்சன்… தேடு..!”

மீண்டும் நாய் ஒரு யுவதி அருகில் நின்று திரும்பி, தன் இரண்டு முன்னங்கால்களையும் உரிமையாளர் மீது வைத்தது.

“இப்போ என்னாச்சுங்க?”
“அந்தப்பொண்ணு தங்கம் கடத்தறா..!”

“அடேடே.. ரொம்பப் புத்திசாலி நாய்தான்.. இது இருக்கும்போது எனக்கென்ன பயம்?”
நாய் மீண்டும் இறங்கி, விமானத்தின் பிற்பகுதிக்குப் போய் சற்று நேரத்தில், மனிதன் துரத்துவதுபோல அலறி அடித்துக்கொண்டு ஓடிவந்தது. இருக்கையின்மீது தாவி ஏறி பம்மிப் பதுங்கியது. அதன் முகத்தில் மரணக்களை..! தன் வாலால் எஜமானரைத் தட்டியது. அதன் கால்கள் உதறலெடுத்தன.

“இப்போ என்னங்க சொல்லுது..?”
“அட சும்மா இருந்து தொலை..! எந்தப் படுபாவியோ குண்டு எடுத்துட்டு வந்திருக்கான்.. அதைக் கண்டுபிடிச்சிருக்கு..!”

மிஸ்டர்.மொக்கை ஒரு அலுவலகத்தில் வேலை பார்த்து வந்தார். மொக்கையாருக்கும் அவரது முதலாளிக்கும் இருந்த பனிப்போர் காரணமாக, இம்முறை போனஸ் (எல்லாப் பிடித்தங்களும் போக,) 200 ரூபாய்தான் வந்தது. இதனால் வெகுண்ட மொக்கை, முதலாளி குறித்து இல்லாததும் பொல்லாததுமாக முதலாளியின் மனைவியிடம் வத்தி வைத்துவிட்டார். வத்தி புகைந்து வெடித்து பெரும் பிரச்னை ஆகிவிடவே, பயந்துபோன மொக்கை ஒரு பாதிரியாரிடம் பாவமன்னிப்பு கேட்கப் போனார்.

எல்லா விவரத்தையும் கவனமாகக் கேட்ட பாதிரியார் சொன்னார்..

“மகனே.. நீ பெரும் பாவமிழைத்துவிட்டாய்.. உடனே 7 எலுமிச்சம்பழங்களை ஒரு கிளாஸ் தண்ணீரில் பிழிந்து அதைக் குடி..!

அதைக் குடித்தால் என் பாவங்கள் கழுவப்பட்டுவிடுமா ஃபாதர்..?

அது எனக்குத் தெரியாது.. ஆனா ஒரு குடியக் கெடுத்துட்டு பாவமன்னிப்பு கேட்க வந்திருக்கும்போதுகூட உன் முகத்தில் தெரியுதே.. ஒரு இளிப்பும் சந்தோஷமும்…. அது முதலில் ஓடிப்போகும்..

இந்த மொக்கை மொக்கைனு சொல்றீங்களே, யாருங்க அது?
தைரியமா சொல்லுங்க யாருன்னு!

மிஸ்டர் மொக்ஸ் உடம்பைக் குறைக்க உதவும் உணவு ஒன்றை வாங்கி வந்தார்.. அதில் போட்டிருக்கும் முறைப்படி வெந்தது பாதி..வேகாதது பாதியாக சமைத்து சாப்பிட்டார். அதன் கேவலமான ருசியைப் பொறுத்துக்கொண்டு சிரமப்பட்டு 1 மாதம் சாப்பிட்டு எடை பார்க்க 5 கிலோ கூடியிருந்தது. கோபமாக கடைக்காரனிடம் பாய்ந்தார்..

தினம் வந்து ஒரு பாக்கெட் வாங்கிட்டுப் போறேனே.. ஒருநாளாவது சொல்லியிருக்கியா.. இது உடம்பு உப்புற உணவுன்னு..?
இல்லையே.. இது இளைக்க வைக்கிற உணவுதானே..?

பின்ன ஏன் எனக்கு மட்டும் உப்புது..?

கடைக்காரன், மொக்ஸ் சமைக்கும் முறை, சாப்பிடும் முறை எல்லாவற்றையும் கேட்டுவிட்டு பாக்கெட்டின் மேல் இருந்த அறிவிப்பைச் சுட்டிக் காட்டினான்..அதில்….

” 6 பேருக்கு தேவையான உணவு..”
என்று இருந்தது..!

சிவா wrote:இந்த மொக்கை மொக்கைனு சொல்றீங்களே, யாருங்க அது?
தைரியமா சொல்லுங்க யாருன்னு!

Mr.Bean ஆ இ௫க்கும்