ஆபாச படம் எடுத்து மிரட்டிய போலீஸாரால் இளம்பெண் பலி

by ரபீக் Sun May 30, 2010 12:18 pm

மத்திய பிரதேசத்தில் போலீசார் ஆபாச படம் எடுத்து மிரட்டியதால் சகோதரிகள் தற்கொலை செய்து கொள்ள முயன்றனர். அவர்களில் இளைய சகோதரி பலியானார். மூத்த சகோதரி உயிருக்கு போராடி வருகிறார்.
மத்திய பிரதேச மாநிலம் சத்தாபூர் மாவட்டத்தில் இந்த சம்பவம் நடந்தது. இந்த பகுதியில் 2 சகோதரிகள் வசித்து வந்தனர். இளைய சகோதரிக்கு 13 வயது. கடந்த மாதம் 21ம் தேதி ஒதுக்குப்புறமான ஒரு பகுதியில் மூத்த சகோதரி தனது காதலனுடன் பேசிக் கொண்டு இருந்தார். அப்போது அந்த வழியாக கனயாலால், அரவிந்த் பாட்டீல் என்ற 2 போலீசார் வந்தனர். காதல் ஜோடியை பிடித்து விசாரித்த அவர்கள், காதலனிடம் இருந்த செல்போனை பிடுங்கிக் கொண்டு அடித்து விரட்டினர். பின்னர், அந்த பெண் ணை மானபங்கம் செய்து செல்போனில் ஆபாச படம் எடுத்தனர். தொடர்ந்து, அந்த பெண் தங்கியிருந்த வீட்டுக்கும் சென்று மிரட்டி மானபங்கம் செய்தனர். அது பற்றி பக்கத்து வீட்டுக்காரர்களிடம் சகோதரிகள் கூறினர். அவர்களின் அறிவுரைப்படி மறுநாளே மாவ ட்ட கூடுதல் எஸ்.பி. சுசில் திவாரியிடம் மூத்த சகோதரி புகார் கொடுத்தார்.

எனினும் கனயாலால், அரவிந்த் பாட்டீலின் தொல்லை தொடர்ந்ததால் சகோதரிகள் 2 பேரும் தற்கொலைக்கு முயன்றனர். அதில், இளைய சகோதரி பலியானார். கவலைக்கிடமாக மீட்கப்பட்ட மூத்த சகோதரி, மருத்துவமனையில் சேர்க்கப்பட்டு உள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த சம்பவம் தொடர்பாக கூடுதல் எஸ்.பி. திவாரி கூறுகையில், “குற்றம் சாட்டப்பட்ட 2 கான்ஸ்டபிள்களிடம் இருந்த செல்போனை கைப்பற்றி சோதனை நடத்தினேன். அதில், ஆட்சேபனைக்குரிய படங்கள் எதுவும் இல்லை. இருப்பினும், 2 போலீசாரும் சஸ்பெண்ட் செய்யப்பட்டுள்ளனர். அவர்களிடம் விசாரணை நடத்தப்படுகிறது” என்றார்.

மாவட்ட எஸ்.பி. பிரேம் சிங் பிஸ்த் கூறுகையில், “சகோதரிகள் 2 பேரும் தற்கொலைக்கு முயன்று, ஒரு பெண் பலியான தகவலை கேட்டதும் 2 கான்ஸ்டபிள்களில் ஒருவருக்கு மாரடைப்பு ஏற்பட்டு விட்டது. அவருக்கு சிகிச்சை அளிக்கப்படுகிறது” என்றார்.

அரியானாவில் 20 ஆண்டுகளுக்கு முன்பு ருச்சிகா என்ற பள்ளி மாணவியை அப்போதைய போலீஸ் டி.ஜி.பி. ரத்தோர் மானபங்கம் செய்து அடிக்கடி மிரட்டி வந்தார். இதனால், அந்த பெண் விஷம் குடித்து தற்கொலை செய்தார். நாடு முழுவதும் பெரும் பரபரப்பை ஏற்படுத்திய இந்த வழக்கில் ரத்தோருக்கு நேற்று முன்தினம் 18 மாதம் சிறை தண்டனை விதிக்கப்பட்டது குறிப்பிடத்தக்கது.