மூக்கில் ஏன் ரத்தம் வருகிறது?

by **சிவா** Sun May 30, 2010 10:55 am

மூக்கிற்கு சாதாரணமாகவே அதிக ரத்தம் செல்லும். இங்கு வரும் ரத்தம், வெளித்தோலுக்கு அடியிலேயே ஓடுகிறது. அந்த வெளித்தோலே மிகவும் மெலிதாக இருக்கும். இதனால் தான் பலருக்கும் மூக்கிலிருந்து ரத்தம் வடிகிறது. மூக்கில் காயம் ஏற்பட்டாலோ, மூக்கை கிள்ளினாலோ, வெயில் அதிகரித்தாலோ, மூக்கில் ரத்தம் வடியும்.ரத்தக் கசிவை நிறுத்த, முதுகை நேராக நிமிர்த்தி அமர்ந்து, முன்பக்கமாகச் சாய்ந்து, மூக்கை அழுத்திப் பிடிக்க வேண்டும். படுக்கக் கூடாது; படுத்தால் ரத்தக் கசிவு அதிகரிக்கும்.

மூக்கின் வெளிப்பக்கத்தில் ஐஸ் கட்டியை வைக்கவும். "ஆக்சிமெடாசோலைன்' அடங்கிய, "ஆட்ரிவின்/ நேசோவியான்' சொட்டு மருந்துகளை மூக்கில் ஊற்றவும். 20 நிமிடங்களுக்கும் மேலாக ரத்தக் கசிவு தொடர்ந்தாலோ அல்லது காயம் ஏற்பட்டாலோ, டாக்டரை உடனடியாக அணுகவும். மிகச் சிலருக்கே, அதிக ரத்த அழுத்தம் அல்லது மூக்கில் கட்டி ஆகியவற்றால் ரத்தக் கசிவு ஏற்படும். தொடர்ந்து கசிவு ஏற்பட்டால், மூக்குத் தோலுக்கு சுடு சிகிச்சை (காடரைசேஷன்) செய்ய வேண்டி வரும்.