உணர்ச்சி நோய்கள்

உடலில் நோய்கள் ஏற்படுவதற்கு பல்வேறு காரணங்களை ஆராய்ந்து கண்டறிந்துள்ளனர். அனைத்துக்கும் மேலாக உளவியல் காரணங்களும் முக்கியமானவை.
மனதில் தோன்றும் பலவகை உணர்ச்சிப் போராட்டங்கள் உடலில் நோயைத் தோற்றுவிப்பது மட்டும் அல்லாமல் இருக்கும் நோயைத் தீவிரப்படுத்தவும் செய்கின்றன.

உடலில் ஏற்படும் நோய்களை பல்வேறு அறிகுறிகள் மூலமும், பல்வேறு பரிசோதனைகள் மூலமும் கேட்டுக்கொள்ளும் விடைகளினாலும் அறிந்து கொள்ளலாம்.

ஆனால் மனதில் நிகழும் உணர்ச்சிப் போராட்டங்களினால் உடலில் ஏற்படு கிற நோய்களையும் இதர பாதிப்புகளையும் கண்டறிவது மிகக்கடினம். ஆனால் உளவியல் நிபுணர்கள் இதை எளிதில் அறிந்து கொள்வார்கள்.

ஆரோக்கிய சீர்கேடு, சுற்றுப்புற சூழ்நிலையின் பாதிப்புகள் மற்றும் சுகாதார மற்ற உணவுகள் இவற்றினால் ஏற்படும் நோய்களை தவிர்ப்பதற்கு மேற்கண்ட காரணங்களை சரி செய்துகொள்ளலாம். ஆனால் மனதில் ஏற்படும் உணர்ச்சி களினால் உண்டாகும் உடல் பாதிப்புகளிருந்து விடுபட சம்பந்தப்பட்ட நோயாளியே முழுமையாக மனப் பலத்துடன் உணர்ச்சிகளிலிருந்து விடுபடவேண்டும்.

கிராமத்தில் ஓர் இளம் பெண்ணுக்குப் பேய் பிடித்திருக்கிறது என்று சொல்லி பேயை விரட்ட சாரிகளைத் தேடி ஓடுவதை நாம் பார்த்திருக்கிறோம். குறிப்பாக இந்தப் பேய்கள் கிராமத்துப் பெண்களையே பிடித்து ஆடச் செய்கின்றன. இதற்கு என்ன காரணம், நாம் சிந்திப்பதில்லை.

இளம் பெண்களின் மனதில் ஏற்படக்கூடிய உணர்ச்சிப் பிரளயத்தின் காரண மாகத்தான் இந்தப்பேய் ஆட்டம் ஏற்படுகிறது என்று ஒரு கருத்து உண்டு.

ஒவ்வொருவருக்கும் ஒவ்வொரு மனம் உண்டு. இந்த மனம் உணர்ச்சி களைத்தான் உற்பத்தி செய்யும். உயிருள்ள மனிதனை ஆட்டிப்படைக்கும்.

தீவிரமான சிந்தனை, மன அழுத்தம், அதிர்ச்சியான சம்பவங்கள், பகைமை உணர்ச்சி, பயம், பயம் சார்ந்த எண்ணங்கள், கோழைத்தனம், வெட்கம், துன்பச் சூழல்கள், சோர்வு மனப்பான்மை, ஏற்றுக்கொள்ள முடியாத சம்பவங்கள், நோயைப் பற்றிய அச்சம், தனிமை வாழ்க்கை, உணர்ச்சிப் போராட்டங்கள், உணர்ச்சியை அடக்குதல், பாலியல் ஏமாற்றங்கள், குடும்பப் பிரச்சினைகள், மன வாழ்க்கையில் சிக்கல், ஆண் பெண் உறவில் விரிசல், கெட்ட சகவாசம், தீய அறிவுரைகள், வேலையின்மை, அதிர்ச்சியான தகவல்கள் இதுபோன்ற எண்ணற்ற சம்பவங்கள் மனதினை உருக்குலைத்துக் கொண்டிருக்கிறது.

இத்தனை உணர்ச்சிகளையும் எதிர்த்துச் சமாளிக்கும் ஆற்றல் மன வலிமை யுள்ள மனதினால் மட்டுமே முடியும். மன உணர்ச்சியின் பாதிப்பினால் குடல் புண்கள், வயிற்றுவலி, பேதி, மலச் சிக்கல், உடற்பருமன், பசியின்மை, இதய நோய்கள், ரத்த அழுத்த நோய், ஆண்மைக்குறைவு, கீல்வாதநோய், முதுகுவலி, சுவாசமண்டல நோய்கள், தோல் நோய்கள், பெண்களுக்குப் பாலுணர்வுக் குறைபாடுகள், மாதவிடாய்க் கோளாறுகள் மற்றும் இவை போன்ற பல நோய்கள் உண்டாகும்.

உடலில் நோய்கள் ஏற்படுவதற்குக் காரணமான மன உணர்ச்சியிலிருந்து விடுபட என்ன செய்ய வேண்டும்?

ஒவ்வொருவரும் மனோதிடமாக இருக்கவேண்டும். சிறு விஷயங்களைக்கூட பெரிதாக எண்ணி மனக்குழப்பம் அடையக்கூடாது. மனம் தெளிவாக இருக்க வேண்டும். எதையும் எளிதாக நினைக்க வேண்டும். ஒவ்வொருவரும் மன வலிமை பெறவேண்டும். மனவலிமை உள்ள வர்களுக்கே நோயின் கடுமை தெரிவதில்லை. கடுமை தெரிந்தாலும் வெளியில் தெரிவதே இல்லை.

மனவலிமையே உடல் வலிமை என்பதை உணரவேண்டும்.

மிகவும் அ௫மையான தகவல்