சுரேஷ் ராய்னா தலைமையிலான இந்தியா அணி ஜிம்பாப்வே பயணம்

by ரபீக் Thu May 27, 2010 1:05 pm

ஜிம்பாப்வேயில் நடைபெறும் முத்தரப்புத் தொடர், ஜிம்பாப்வேக்கு எதிரான T20 தொடரில் இளைஞர்கள் நிறைந்த இந்திய அணி கோப்பையை வெல்லும் என இந்திய கிரிக்கெட் அணியின் தலைவ‌ர் ரெய்னா தெரிவித்தார்.
ஜிம்பாப்வே புறப்படுவதற்கு முன்பு செ‌ய்‌தியா‌ள‌ர்க‌ளிட‌ம் பே‌சிய ரெய்னா, மூத்தவீரர்களுக்கு ஓய்வு அளிக்கப்பட்டுள்ளதால் இளம் வீரர்களுக்கு வாய்ப்பு கிடைத்துள்ளது. இளம்வீரர்களுக்கு ஏற்கனவே ஐ.பி.எல் போட்டிகளில் விளையாடியுள்ள அனுபவம் உள்ளதால் அவர்கள் சிறப்பாக விளையாடுவார்கள்.

சிறந்த சகலதுறை ஆட்டக்காரர்களும், வேகப்பந்து வீச்சாளர்களும் அணியில் இடம்பெற்றுள்ளனர். சிறப்பாக விளையாடி தொடரை வெல்வோம். கங்குலி, ராகுல் திராவிட், தோனி ஆகியோரின் தலைமையிலான அணியில் விளையாடியுள்ளேன்.

தோனி எனக்கு எதையும் எளிதாக கையாளுமாறு எனக்கு அறிவுரை கூறியுள்ளார். பணிவு இருந்தால் ஏராளமான சாதனைகளை அடைய முடியும். எனவே எப்போதும் பணிவுடன் இருக்க கற்றுக் கொள்ள வேண்டும் என்று சச்சின் டெண்டுல்கர் கூறியுள்ளார். அவர்களது அறிவுரைகளை பின்பற்றுவேன்.

நாங்கள் ஷார்ட் பிச் பந்துகளை சரியாக ஆடவில்லை என சமீப காலமாக புகார் எழுந்துள்ளது. நாங்கள் சிறப்பாக விளையாடியதால் தான் டெஸ்ட் தரவரிசையில் முதல் இடத்திலும், ஒருநாள் தரவரிசையில் இரண்டாவது இடத்திலும் உள்ளோம் என்றார்.