தனிமை சிறையில் அடைப்பதை விட தூக்கில் போட்டு கொன்று விடுங்கள்: அப்ஸல் குரு

என்னை தனிமைச் சிறையில் அடைத்து வைப்பதை விட தூக்கில் போட்டு கொன்று விடுங்கள்’ என்று நாடாளுமன்ற தாக்குதல் வழக்கில் தூக்கு தண்டனை விதிக்கப்பட்டுள்ள தீவிரவாதி அப்சல் குரு, உச்ச நீதிமன்றத் தில் மனு தாக்கல் செய்துள்ளான்.
நாடாளுமன்றத்தின் மீது கடந்த 2001ம் ஆண்டு டிசம்பர் 13ம் தேதி தீவிரவாதிகள் தாக்குதல் நடத்தினர். இதில் தீவிரவாதி அப்சல்குருவுக்கு தூக்குத்தண்டனை விதித்து டெல்லி நீதிமன்றம் தீர்ப்பு அளித்தது. இதை உயர் நீதி மன்றமும், உச்சநீதிமன்றமும் உறுதி படுத்தியது. இதைத் தொடர்ந்து, ஜனாதிபதிக்கு கருணை மனு அனுப்பினான். இதை மத்திய அரசின் பரிசீலினைக்காக அப்போதைய ஜனாதிபதி அப்துல் கலாம் அனுப்பினார்.

அதன் மீது முடிவு எடுக்காமல் மத்திய அரசு மவுனமாக இருக்கிறது. அதே நேரம், ‘அப்சல் குருவை தூக்கில் போட எந்த ஆட்சேபனையும் இல்லை’ என்று ஆளுநருக்கு டெல்லி அரசு கடந்த வாரம் கடிதம் எழுதியது.

இந்த நிலையில், உச்ச நீதிமன்றத்தில் தனது வழக்கறிஞர் பன்ச்சோலி மூலமாக அப்சல் குரு புதிய மனுவை தாக்கல் செய்து இருக்கிறான். அது பற்றி பன்ச்சோலி கூறியதாவது: திகார் சிறையில் அடைக்கப்பட்டு உள்ள அப்சல் குருவை கடந்த வாரம் சந்தித்தேன். தனது கருணை மனு மீது மத்திய அரசு உடனடியாக நடவடிக்கை எடுக்க வேண்டும் என்று அவர் விரும்புகிறார். தனக்கு மரண தண்டனை மட்டுமே வழங்கப்பட்டு இருக்கிறது என்றும், தனிமைச் சிறையில் அடைக்கும்படி உத்தரவிடப்படவில்லை என்றும் அவர் கூறினார்.

தனிமைச் சிறையில் அடைத்து வைப்பதை விட, என்னை தூக்கில் போட்டு விட்டால் ஒரே அடியாக போய் விடுவேன் என்கிறார். அதே நேரம், திகார் சிறையில் இருந்து காஷ்மீர் சிறைக்கு மாற்றினால், தனது குடும்பத்தினரை அடிக்கடி சந்திக்க முடியும் என்று நினைக்கிறார்.

எனவேதான், அவரு டைய கருணை மனு மீது உடனடியாக முடிவு எடுக்கும்படி மத்திய அரசுக்கு உத்தரவிடக் கோரி உச்ச நீதிமன்றத்தில் மனு தாக்கல் செய்யப்பட்டு உள்ளது.
இவ்வாறு பன்ச்சோலி கூறினார்.

இது போன்ற குற்றவாளிகளைமட்டுமல்லாமல் அவர்களுக்காக வாதாடும் வழகரிஞ்சர்களையும் சேர்த்து தூக்கில் இடவேண்டும்