கல் எறிந்து கொல்லப்பட்ட காதல் ஜோடி!

காதலித்து பின் ஊரைவிட்டுச் சென்று திருமணம் செய்து கொண்ட காதல் ஜோடி கல் எறிந்து கொல்லப்பட்ட சம்பவம் ஆந்திராவில் பரபரப்பை ஏற்படுத்தியுள்ளது.

ஆந்திர மாநிலம் நிஜாமாபாத் மாவட்டத்தில் உள்ள கிருஷ்ணஜிவாடி என்ற கிராமத்தில் புதன் கிழமை பின்னரவில் இச்சம்பவம் நடைபெற்றுள்ளதாக ஆந்திரப் பிரதேச காவல் துறையினர் கூறுகின்றனர்.

சுங்கரா ஸ்ரீநிவாஸ் (32) என்ற தாழ்த்தப்பட்ட இனத்தைச் சேர்ந்தவர், உயர் ஜாதி எனப்படும் ஜாதியைச் சேர்ந்த ஸ்வப்னா (22) என்ற பெண்ணைக் காதலித்தார். கடந்த ஆறு மாதங்களுக்கு முன் இருவரும் தங்கள் ஊரைவிட்டு ஓடிச் சென்று திருமணம் செய்து கொண்டனர்.

ஸ்ரீநிவாஸ் தாழ்த்தப்பட்ட இனத்தைச் சேர்ந்தவர் என்பதாலும் அவருக்கு ஏற்கனவே வேறு ஒரு திருமணம் நடைபெற்று இருந்ததாலும் ஸ்வப்னாவுடனான இவரது திருமணத்திற்கு ஸ்வப்னாவின் குடும்பத்தினர் எதிர்ப்பு தெரிவித்து வந்தனர்.

ஹைதராபாத்தில் தங்கி இருந்த இந்த காதல் ஜோடி, ஸ்வப்னாவின் உறவினர்களின் அழைப்பை அடுத்து கடந்த மூன்று நாட்களுக்கு முன் தங்கள் சொந்த கிராமத்திற்குத் திரும்பியுள்ளனர்.

புதன் கிழமை இரவில் ஸ்ரீநிவாஸ் மீது கடுமையான தாக்குதல் நடத்தப்பட்டது. இதனைக் கண்டித்த ஸ்வப்னா மீதும் தாக்குதல் நடத்தப்பட்டது. சுமார் 30 பேர் கொண்ட கும்பல் ஸ்ரீநிவாஸ் மற்றும் ஸ்வப்னா மீது கல்லெறிந்து தாக்குதல் நடத்தினர். இதில் இந்தக் காதல் ஜோடி பலியானது.

இச்சம்பவம் குறித்து அறிந்த காவல்துறையினர் சம்பவ இடத்திற்கு விரைந்து வந்தனர். சம்பவம் குறித்து வழக்குப் பதிவு செய்ததுடன் இவ்வழக்கில் தொடர்புடைய மூன்று பேரை கைது செய்துள்ளனர்

கொடுமையான முடிவு! 30 பேர் சேர்ந்து தாக்குதல் நடத்தியதற்கு 3 பேரை மட்டுமே கவல்துறை கைது செய்துள்ளது என்றால் சற்று சந்தேகம் உருவாகிறது! காவல் துறை யார் பக்கம்?

மேல் ஜாதி கீழ் ஜாதின்னு யோசிச்சு மனித நேயத்தை மறந்தவங்க மனித ஜாதியே கிடையாது..

சிவா wrote:கொடுமையான முடிவு! 30 பேர் சேர்ந்து தாக்குதல் நடத்தியதற்கு 3 பேரை மட்டுமே கவல்துறை கைது செய்துள்ளது என்றால் சற்று சந்தேகம் உருவாகிறது! காவல் துறை யார் பக்கம்?

ஜாதி கொடுமைகள்,கண்முடி தனமான காதல் நடவடிக்கைகள்,வீண் பிடிவாதம்,வறட்டு பிடிவாதம்,மொழி மதம்,வெறி எல்லாம் எப்போது கடக்க கடத்தப் படுகிறோதோ,அன்று தான் அமைதி வரும் மானுடம் பிறக்கும்.. அதுவரை ???????????