திருமணமாகி 4 மணி நேரத்தில் விவாகரத்து: மும்பையில் விசித்திர சம்பவம்

மும்பை: திருமணமான நான்கு மணி நேரத்தில், தன் கணவரை விவாகரத்து செய்ய போவதாக, மும்பையை சேர்ந்த ஒரு பெண் அறிவித்துள்ளார். மும்பை ஜுஹு பகுதியில், வசித்து வரும் குஜராத்தி வம்சாவளியை சேர்ந்த பெண் ஒருவருக்கு, கடந்த ஆண்டு, ஜூன் மாதம் திருமணம் நடந்தது. திருமணம் முடிந்து அன்று, மணமகன் வீட்டிற்கு சென்ற அந்த பெண், நான்கு மணி நேரத்திலேயே, தனக்கு அந்த மணமகனுடன் வாழ பிடிக்கவில்லை என்று கூறி, தாய் வீடு திரும்பி விட்டாள். கணவர், இயற்கைக்கு மாறான செக்ஸ் உறவு வைத்து கொள்ள வற்புறுத்தியதாகவும், செக்ஸ் டார்ச்சர் கொடுத்ததாகவும் கூறி, அன்று இரவே, குடும்ப வக்கீலை அழைத்து, கோர்ட்டில் விவாகரத்து மனுதாக்கல் செய்யுமாறு கூறிவிட்டார்.

பெண்ணின் பெற்றோர் அதிர்ச்சியடைந்தாலும், மகள் கூறிய விளக்கத்தை ஏற்று, விவாகரத்துக்கு ஒப்பு கொண்டனர். திருமணத்தை முறைப்படி பதிவு கூட செய்யாத நிலையில், மறுநாளே குடும்ப கோர்ட்டில் விவாகரத்துக்கு, மனுதாக்கல் செய்யப்பட்டது. கோர்ட் விதிமுறைகளின்படி, விவாகரத்து பெற கணவன், மனைவி ஓராண்டு பிரிந்து வாழ வேண்டும் என்பதால், அந்த பெண் விவாகரத்துக்காக காத்திருக்கிறாள். நான்கு மணி நேரத்தில் நடந்து முடிந்த, அந்த திருமணத்தை செல்லுபடியாகுமென, விவாகரத்து மனுவை குடும்பநல கோர்ட் ஏற்றுக்கொண்டது. திருமணமாகி சில மணி நேரத்தில், கணவன் மனைவி சேர்ந்து வாழாமல் பிரிந்தாலும், திருமண சடங்குகள் நடந்தாலே, சட்டப்படி அந்த திருமணம் அங்கீகரிக்கப்பட்டதாக கருதப்படுமென, வக்கீல் ஒருவர் தெரிவித்தார். இன்னும் சிலமாதங்களில், அந்த பெண்ணுக்கு விவாகரத்து கிடைக்கவுள்ள நிலையில், இந்தியாவிலேயே திருமணமாகி குறைந்த நேரத்தில், விவாகரத்து கேட்ட சம்பவமாக இது பதிவாகியுள்ளது குறிப்பிடத்தக்கது.

இவனை மாதிரி ஆளுக்கு இவள் தான் சரியான ஆளு

ரபீக் wrote:இவனை மாதிரி ஆளுக்கு இவள் தான் சரியான ஆளு

அப்பறம் ஏன் சார் விவாகரத்து கேட்கிறாங்க