நடிக்க வந்தார் நடிகையின் மகள்!

by ரபீக் Wed May 26, 2010 4:29 pm

குறுக்கே கட்டையை போட்டாலும், தாண்டி குதித்தாவது ஜெயிப்பேன் என்று சினிமாவுக்குள் வந்தவர் உமா. கட்டையை போட்டது அம்மா. கனவை நிறைவேற்றியவர் பெண். முன்னாள் நடிகை சுமித்ராவின் கலை வாரிசான இவர் இப்போது குடும்ப வாழ்க்கையில் அம்மாவாகிவிட்டார் என்பது தனிக்கதை. ஆரம்பத்தில் இவரது சினிமா ஆசைக்கு குறுக்கே நின்றவர் சாட்சாத் சுமித்ராவேதான். நான் இந்த திரையுலகத்தில் பட்ட கஷ்டங்கள் போதும். என் பெண்ணுக்கு அது வேண்டாம் என்ற நல்ல மனசோடுதான் அவரது சினிமா ஆசைக்கு தடை போட்டார் சுமித்ரா. ஆனால் அதையும் மீறி சினிமாவுக்கு வந்த உமா, அம்மா போல அரைகுறை டிரஸ்சில் நடிக்காமல் குடும்ப பாங்காக நடித்து ரசிகர்களின் மனசில் இடம் பிடித்தார்.

ஒரு தடவ முடிவு பண்ணிட்டா என் பேச்சை நானே கேட்க மாட்டேன் என்று அவரது வீட்டுக்குள்ளிருந்து வந்திருக்கிறது இன்னொரு வாரிசு. சுமித்ராவின் இரண்டாவது மகளான நட்சத்திராவும் சினிமாவில் நடிக்கப் போகிறார். தைரியம் என்ற படத்தில் அறிமுகமான குமரன் நடிக்கும் புதிய படம் வருசநாடு. இவருக்கு ஜோடியாகதான் நடிக்கிறார் நட்சத்திரா.

அக்கா போல குடும்ப பாங்காக நடிக்கப் போவதில்லையாம் இவர். கதைக்கு அவசியப்பட்டால் கவர்ச்சியாகவும் நடிப்பாராம். சொல்லிட்டாருல்ல... விட்ருவாய்ங்களா? (தங்கச்சி படம் கிடைக்கல. அக்கா படத்தை பார்த்து அட்ஜஸ்ட் பண்ணிக்கோங்க....)