உன் காதலின் விதைப்பு

**ரிபாஸ்** · **ரிபாஸ்** Tue May 25, 2010 11:48 am

உன் காதலின் விதைப்பு
பேச்சற்று மூச்சற்றுக் கிடந்தேன்
உன்னிசை கேட்டு உயிர்த்தெழுந்தேன்
உன் சித்திரப்பூப் புன்னகையால்
என் மனசை சித்திரவதை செய்தாய்

இதயத் தோட்டத்து வண்ணப் பூத்தூவலால்
என்னை பத்திரமாய் வரவேற்றாய்
உன் விழிச் சவுக்கால் வீசிவீசியடித்தே
இதயத்தை இதமாய்க் கீறி விட்டாய்
இதுதானோ காதலின் விதைப்பு

பலபேரின் பார்வையைத் தாண்டி என்னிடம்
தூதுவிட்ட உன் விழிப்பார்வை மேகம்
பாதி வழியில் மூச்சுத் திணறி
மூழ்கிப் போனதேன்

மனுக்கலத்தின் விதைப்புகள் எல்லாம்
பூமியில் வேர்களாய் நனையும் போது
நீ ஊன்றிய விதைப்பு மட்டும்
கண்ணீர்க் கோலைங்களையன்றோ
ஏந்தி நிற்கின்றன

கல்லறைக் காவியங்களாய் பலரின்
விதைப்புகள் பாய் விரித்துத் தூங்கும்
அவலங்களைப் பார்த்த என் இளமை
இன்று இதழ் விரித்து நிற்க

நேரம் பார்த்து பசியாற்ற வந்தவளே
இன்னொரு வானத்தை ஏன்?
உன் வாசலுக்குள் வரவேற்றாய்

பெண்ணே பார் என்னை
நான் நானாக இல்லை
எரிகின்ற நெருப்பும் எனக்கு சுடுவதில்லை
பாலும் வயிற்றுக்குப் பசியும் இல்லை
நித்திரை நெய்யாத கண்களைப் பாரடி

செல்லமாக நான் அழைத்த உன் பெயரை
இன்னொருவன் அழுத்திச் சொல்வதால்
என் இதயமின்று துடித்தழுகிறதே
என் கண்ணீரின் கடைசித் துளி
வற்றிப் போகும்வரை அழுகிறேனே ஏனடி?
விதைப்பு உன்காதலென்னும் விதைப்பால்!

நன்றி

விக்கி நவரட்ணம்

மனோஜ் · மனோஜ் Tue May 25, 2010 12:00 pm

செல்லமாக நான் அழைத்த உன் பெயரை
இன்னொருவன் அழுத்திச் சொல்வதால்
என் இதயமின்று துடித்தழுகிறதே
என் கண்ணீரின் கடைசித் துளி
வற்றிப் போகும்வரை அழுகிறேனே ஏனடி?
விதைப்பு உன்காதலென்னும் விதைப்பால்!

அருமையான பதிவின் அருமையான் வரிகள் !
நன்றி ரிபாஸ்

அன்பு மலர்