முழுநீள காமெடி த்ரிலராக தயாராகிறது கோணாங்கிகள்!

by **சிவா** Wed May 26, 2010 5:22 am

கோணாங்கிகள் என்ற வித்தியாசமான தலைப்புடன் உருவாகி வரும் புதுப்படத்தை அறிமுக இயக்குனர் காந்தி மார்க்ஸ் இயக்கி வருகிறார். ஒரு பொண்ணு 4 பையன்களை மையம் கொண்ட இந்த படம் முழுநீள காமெடி மற்றும் த்ரில்லர் கலந்த படமாக வெளிவரப்போகிறது. டைரக்டர் காந்தி மார்க்ஸ் ஏற்கனவே 29 விளம்பர படங்களை எடுத்த அனுபவத்துடன் இந்த படத்தை இயக்க வந்திருக்கிறார். படத்தில் ரஞ்சித், லோகேஷ், சுரேஷ், கர்ஜித் ஆகிய 4 பேர் நாயகர்களாகவும், கேரளாவை சேர்ந்த ஜில்லு என்ற மாடல்பெண் நாயகியாகவும் நடிக்கிறார். இவர்களுடன் முக்கியமான கேரடக்டரில் நாயகியின் தந்தையாக நடிப்பவர் நடிகர் ரவிராஜா. ஏற்கனவே சீரியல்கள், சிலபல சினிமாக்களில் நடித்திருக்கும் ரவிராஜா, இப்படத்தின் மூலம் காமெடி மற்றும் த்ரில்லான வில்லத்தனத்தை காட்டப் போகிறாராம்.

கதைப்படி பணத்துக்காக ஒரு ‌பெண்ணை கல்யாணம் செய்து கொண்டு, சுகத்துக்காக வெளியில் சுத்துகிறார். வீட்டில் நல்ல பிள்ளையாகவும், வெளியில் ப்ளேபாயாகவும் சுற்றும் அப்பாவின் கேரக்டர் மகளுக்கு (ஹீரோயின்) தெரிந்து விடுகிறது. அதனால் வேதனைப்படும் அவர் என்ன ஆகிறார் என்பதும் சஸ்பென்ஸ் நிறைந்த கதையின் முக்கிய அம்சமாக இருக்கும். நடிகர் ரவிராஜாவின் தாத்தா ஜி.என்.வேலுமணி தனது சரவணா பிலிம்ஸ் சார்பில் படகோட்டி, பாலும் பழமும், பாகப்பிரிவினை, கலங்கரை விளக்கம் உள்ளிட்ட பல வெற்றிப்படங்களை தயாரித்தவர் என்பது குறிப்பிடத்தக்கது. படத்திற்கு சக்திவேல் ஒளிப்பதிவு செய்கிறார். படப்பிடிப்பு இறுதிகட்டத்தை எட்டி வருகிறது.