கானல் ஆகும் கனவுகள்

by கவிக்காதலன் Tue May 25, 2010 10:50 pm

சகதியாய் கிடக்கும் சாலை...!
அழுக்கடைந்த தெருக்கள்...!!
இவைகள் தான் -என்
விளையாட்டு மைதானம்...

பனிரெண்டு வயதாகிறது...!
பசியை தவிர எதையும்
அதிகமாய் ருசித்ததில்லை...!

கடந்த ஆண்டு
கவர்மென்ட் பள்ளிக்கூடத்தில் தந்த
காக்கி கலர்
கால்சட்டை
இப்போதும்
இடுப்பில் நிற்க்கவில்லை...!

ஓடாமல் கிடந்த சைக்கிளின்
ஒற்றை டயர் ஒன்று
நான் ஊர் சுத்தும்
பென்ஸ் கார் ஆகிறது...!

பழைய கஞ்சியும்
பச்சை மிளகாயும் தான்
எப்போதாவது
என் பசியை போக்குகிறது...!

ஐந்துமணி வரை பள்ளிக்கூடம்...!
அதற்கு மேல் கபடி ஆட்டம்...!!
சின்ன சின்னதாய் இப்படி
சில சந்தோஷங்கள்...!!!

கடந்த மாதம்
காசுக்கு வழியில்லை என்று
கல் உடைக்க போகச் சொல்லி
கட்டளையிட்டாள் அம்மா...

மறுத்த போதும்
மனமிரங்கவில்லை அம்மா...!
கனவுகளெல்லாம் இப்போது
கானல் ஆனது...!!

படித்த
பள்ளிக்கூடத்தை
கடந்து செல்லும்போதெல்லாம்
கனமாகிறது மனது...

உச்சி வெயிலில் நின்று
கல் உடைக்கும் போது
மனசும் சேர்ந்து உடைகிறது...!
நான் பணக்காரனாய்
பிறந்திருக்க கூடாதா....

- கவிக்காதலன் [அவள்கவிஞனாக்கினாள் என்னை...]

by ஹாசிம் Tue May 25, 2010 10:53 pm

பழைய நினைவுகள் உங்கள் கவிதையில் மீண்டமுடிந்தது நண்பா நன்றி அருமையான வரிகள் ரசிக்க முடிந்தது

by **சிவா** Tue May 25, 2010 10:56 pm

குழந்தைத் தொழிலாளி பற்றிய கவிதை அருமை! ஏழ்மையாய் பிறப்பது குற்றமல்ல, ஏழ்மையாய் சாவதுதான் குற்றம் - கல்லுடைத்தாலும் மனம் உடையாமல் போராடினால் வெற்றி நிச்சயம். இன்று உள்ள பெரும் தொழிலதிபர்கள் அனைவருமே இளம் வயதில் மிகவும் கஷ்டமான வாழ்வை மேற்கொண்டவர்கள்தான்!

by சம்சுதீன் Tue May 25, 2010 11:01 pm

சிவா wrote:குழந்தைத் தொழிலாளி பற்றிய கவிதை அருமை! ஏழ்மையாய் பிறப்பது குற்றமல்ல, ஏழ்மையாய் சாவதுதான் குற்றம் - கல்லுடைத்தாலும் மனம் உடையாமல் போராடினால் வெற்றி நிச்சயம். இன்று உள்ள பெரும் தொழிலதிபர்கள் அனைவருமே இளம் வயதில் மிகவும் கஷ்டமான வாழ்வை மேற்கொண்டவர்கள்தான்!

by கவிக்காதலன் Tue May 25, 2010 11:05 pm

சரியாக சொன்னீர்கள் சிவா அண்ணா...

by **சிவா** Tue May 25, 2010 11:08 pm

கவிக்காதலன் wrote:சரியாக சொன்னீர்கள் சிவா அண்ணா...

அவள் கவிஞனாக்கினாள் என்னை என்று வருகிறதே ஏன்!

by கவிக்காதலன் Tue May 25, 2010 11:29 pm

ஓ அதுவா... அவள் தான் என்னை கவிஞனாக்கினாள்... அதனால்...

by **இளமாறன்** Sat May 29, 2010 2:39 am

என்ன சொல்வது.. அழகான சிந்தனை...வாழ்த்துக்கள் நண்பா கானல் ஆகும் கனவுகள் 154550

by சபீர் Sat May 29, 2010 8:53 am

சிவா wrote:குழந்தைத் தொழிலாளி பற்றிய கவிதை அருமை! ஏழ்மையாய் பிறப்பது குற்றமல்ல, ஏழ்மையாய் சாவதுதான் குற்றம் - கல்லுடைத்தாலும் மனம் உடையாமல் போராடினால் வெற்றி நிச்சயம். இன்று உள்ள பெரும் தொழிலதிபர்கள் அனைவருமே இளம் வயதில் மிகவும் கஷ்டமான வாழ்வை மேற்கொண்டவர்கள்தான்!