அண்டத்தின் அற்புதங்கள்..!

கலைவேந்தன் · கலைவேந்தன் Sat May 22, 2010 4:40 pm

என் நண்பர் திரு சுப ரத்தினகிரி அவர்களின் கடுமையான முயற்சியாலும் ஆழ்ந்த அகன்ற ஆய்வினாலும் தொகுக்க்ப்பட்ட அண்டத்தின் அற்புதங்கள் என்னும் தொடரை அவரது அனுமதியுடன் இங்கே வழங்குகிறேன்.

நாம் வாழும் அண்டத்தின் ஆழ்ந்த அகன்ற உண்மைகளை தொடர்ந்து திரட்டி எளிய தமிழில் அனைவருக்கும் விளங்கும் படி அவர் தொகுத்து அளித்துள்ள விதம் போற்றத்தக்கது.

வரும் சந்ததியினர் இதன் மூலம் பயன் பெறுவர் என்னும் உயரிய நோக்குடன் இதை வழங்குவதில் பெருமை அடைகிறேன்...!

கலைவேந்தன் · கலைவேந்தன் Sat May 22, 2010 4:42 pm

அண்டத்தின் அற்புதங்கள்

நாம் ஒரு கூட்டுக் குடும்பத்தில் வாழ்கிறோம். சூரியன் நம் குடும்பத் தலைவர். புதன், வெள்ளி, பூமி, செவ்வாய், சனிஆகியோர் நம் குடும்பத்தின் உறுப்பினர்கள்.

நமது குடும்பத்தின் உறுப்பினர்கள் 179 ஆண்டுகளுக்கு ஒரு முறை மட்டுமே சந்தித்துக் கொள்கின்றோம். இவர்கள் கடைசியாக 1982ல் சந்தித்துக் கொண்டனர். அடுத்தது 2161ம் ஆண்டு தான்.

நமது சூரிய மண்டலத்தின் பரஸ்பர ஈர்ப்பு சக்திகளையும் அதன் விளைவுகளையும் கணக்கிட்டுப் பார்த்தால் தொலைவிலுள்ள யுரேனஸ், நெப்டியூன் புளூட்டோ போன்ற கோள்கள் இருக்க வேண்டிய இடத்தில் இல்லை. சமீபத்தில் வந்த ஹோலி வால்நட்சத்திரர் தன் பாதையிலிருந்து சற்றே விலகி ஒரு நாள் தாமதமாய் சூரியனைச் சந்தித்தார். எனவே ஈர்ப்பு சக்தி உடைய இரு கிரகங்கள் (குறைந்த பட்சம்) இருக்கலாம் என்று நம்பப் படுகிறது.

இதனால் எக்ஸ்-1, எக்ஸ்-2 என்று இரு கிரகங்கள் இருந்தாலும் எக்ஸ்-1 பூமியைப் போன்று 400 மடங்கும், 2 240 மடங்கும் அதிக நிறையுள்ளதாய் இருக்கலாம், புளூட்டோவுக்கு அப்பால் 4-5 மடங்கு அதிக தூரத்திலும் இருக்கலாம்.

இனி நம் தலைவனைச் சந்திப்போம்:

சூரியர்:

நம் தலைவர் ஒரு சூப்பர் ஸ்டார். சாரி, ஒரு மீடியம் ஸ்டார்.

வயது 500 கோடி ஆண்டுகள். இன்னும் 700 கோடி ஆண்டுகள் உயிருடன் இருக்கலாம்.

நம் பூமியை விட 13 லட்சம் மடங்கு பெரியவர். குடும்பத்தின் மொத்த எடையை 100 சதவீதம் என்று வைத்துக் கொண்டால், இவர் எடை மட்டுமே அதில் 99 சதவீதம். நாம் எல்லோரும் சேர்ந்து 1 சதவீதம் தான்.

நாம் அவரின் 8 நிமிடத்திற்கு முந்தைய தோற்றத்தையே பார்க்கிறோம். 9.3 கோடி மைல் தூரத்தில் தான் இருக்கிறார்.

இவர் முகத்தில் ஏகப்பட்ட கரும்புள்ளிகள் உள்ளன. Fair & Lovely போடச் சொல்வோமா?

தொடரும்..

நன்றி : சுப இரத்தினகிரி

**சிவா** · **சிவா** Sat May 22, 2010 4:44 pm

சிறப்பான கட்டுரையை பதிவிடும் உரிமம் பெற்றதற்கு வாழ்த்துகள் கலை! ஏற்கனவே pdf வடிவில் படித்திருந்தாலும் மீண்டுமொருமுறை நம் தளத்தில் படித்துச் சுவைக்கக் காத்திருக்கிறேன்!

இந்த பதிவைத் துவங்கியவர் நன்றி கூறியுள்ளார் சிவா

ஹாசிம் · ஹாசிம் Sat May 22, 2010 7:27 pm

சிறப்பான கட்டுரை தொடருங்கள் அண்ணா

சபீர் · சபீர் Sat May 22, 2010 8:01 pm

சிறப்பான கட்டுரை சார் தொடருங்கள்

சம்சுதீன் · சம்சுதீன் Sun May 23, 2010 2:14 am

சிறப்பான கட்டுரை தொடருங்கள் மாஸ்டர் அண்டத்தின் அற்புதங்கள்..! 154550

கலைவேந்தன் · கலைவேந்தன் Mon May 24, 2010 5:37 pm

நண்பர்கள் அனைவருக்கும் நன்றி...!

கலைவேந்தன் · கலைவேந்தன் Mon May 24, 2010 5:38 pm

தொடர்ச்சி...

சூரியரின் முகத்தில் காணப்படும் புள்ளிகளின் எண்ணிக்கை வருடத்துக்கு வருடம் மாறுகின்றது. அதில் ஒரு ஒழுங்கும் இருக்கிறது. 11 வருடங்களுக்கு ஒரு முறை உச்ச நிலையை அடைந்து ஏறத்தாழ புள்ளிகளே இல்லாத நிலையை அடைகிறது. புள்ளிகள் 11 வருடங்களுக்கு ஒரு முறை குறுகிய கால மாற்றங்களுடன் நீண்ட காலத்திற்கு ஒரு முறை மெதுவான மாற்றம் அடைவதாய் நம்பப் படுகிறது. இதன் காரணத்தை நீங்கள் கண்டுபிடித்தால் அரசியல் செல்வாக்கு இல்லாமலே டாக்டர் பட்டம் கிடைக்கும். அண்டத்தின் அற்புதங்கள்..! Icon_wink

நம் தலைவரின் மேற்புற உஷ்ணம் 6000 டிகிரி கெல்வின். சில இடங்களில் 4500 டிகிரி கெல்வின். இந்த குறைந்த உஷ்ணம் வெளிப்படுத்தும் இடமே கரும்புள்ளி.

இப்புள்ளிகளில் சிறியது 1500 கி.மீ. குறுக்களவும். பெரியது 100000 கி.மீ. குறுக்களவும் ஆகும்.

சூரியனின் மத்திய பாகம் 25 நாட்களுக்கு ஒரு முறையும் துருவ பாகம் 34 நாட்களுக்கு ஒரு முறையும் தன்னைத் தானே சுற்றிக் கொள்கிறது. இதனால் காந்த சக்தி திருகிக் கொண்டு மேற்பரப்பு உஷ்ணம் பாதிக்கப்படுகிறது. இதனாலேயே புள்ளிகள் தோன்றுகிறது.

விண்வெளியில் வரும் காஸ்மிக் கதிர்கள் நம் நைட்ரஜனைத் தாக்கும் போது கார்பன் - 14 தோன்றுகிறது. கரும்புள்ளி ஏற்படுகையில் காந்த சக்தி அதிகமாவதால் காஸ்மிக் கதிர்கள் திசை திரும்பி விடுகிறது. இதனால் கார்பன் - 14 குறைவதால் தாவரங்கள் பாதிக்கப்படுகின்றன. நமது ரேடியோ தொடர்பு சாதனங்களும் தான். வலிப்பு, மனநோயும் நமக்கு ஏற்படலாம்.

தினமும் நம்து சூரியனார் சாப்பிடும் உணவு 39,744 டன் ஹைட்ரஜன் அணுக்கள். அவை பிணைந்து ஹூலியமாகிறது.

குரு பார்க்க கோடி நன்மை ஏற்படுமாம். வியாழனாகிய குரு. நம் பெரிய அண்ணன். அவரை அடுத்து அறிமுகம் செய்வோமா?

தொடரும்...!

Sponsored content · Sponsored content

அண்டத்தின் அற்புதங்கள்..!

அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

Re: அண்டத்தின் அற்புதங்கள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக