அண்டை வீட்டின் அடாவடி

ரமீஸ் · ரமீஸ் Sat May 22, 2010 11:37 am

அண்டை வீடு என்றால்
அன்பு வேண்டும்,
புரிந்துணர்வு வேண்டும்
உன்னைப்போல்
அராஜகம் கூடாது

என்பது வருடமாய்
நாமிருக்கோம்
ஈரைந்து வருடங்களில்
வந்த நீ இவ்வாறு
துள்ளலாகுமா??

மரக்கிளைகள்
இடைஞ்சல் என்றாய்
கத்தரித்தோம்
மரங்களும்
இடைஞ்சல் என்றாய்
பிஞ்சென்று பாராமல்
வெட்டித் தரித்தோம்.

இதையும் தாண்டி
சில மரங்களை
நீயாக கதறக்கதற
தீயிட்டுக் கொன்றாய்.

அத்தனையும்
பொறுத்துக் கொண்டோம்
ஏனென்றால்
நாம் மனிதர்கள்.

இப்போது
நம் குழதைகள்
இடைஞ்சல்
என்கிறாய்

ஒன்றை மட்டும்
அறிந்துகொள்
இறைவனுக்காய்
பொறுமை கொண்டோம்
நம் மௌனம்
இயலாமை அல்ல.

நம் தந்தை
இல்லை என்று
நினைத்தாட் போல்
நடக்கிறாயா??

நாம் அமைதியாக
இருக்கும் வரை
அலையற்ற கடல்கள்
பொங்கினோம் என்றால்
பூகம்பம் என்பதை
மறந்து விடாதே.

என் சொந்தப் பிரச்சினையை இங்கு சொல்வதாக நினைத்தால் மண்ணிக்கவும்.
மனதில் உள்ள இறுக்கத்தை நண்பர்களிடம் இறக்குவட்கே இங்கு பகிர்ந்தேன்.

balakarthik · balakarthik Sat May 22, 2010 12:08 pm

விடுங்க பாஸ் பக்கத்துவீட்டில் ஒரு பிகர்கூட இல்லை என்று நினைக்கிறன் அதான் கோவம் வருகிறது

ஹாசிம் · ஹாசிம் Sat May 22, 2010 12:27 pm

பொறுமை தலைவா வேண்டாம் கோபம் சொல்கிறேன் என்று தப்பாக நினைக்க வேண்டாம்
தீமை செய்பவனுக்கு நன்மை செய்து பார் என்பர்
உங்கள் அண்டை வீட்டாருடன் அழவுக்கு மீறி நன்மை செய்யுங்கள் அதிலும் அவன் திருந்தாவிட்டால் அவன் மனிதனே இல்லை

**சிவா** · **சிவா** Sat May 22, 2010 12:32 pm

மனதின் வலிகளை வரிகளாக்கியதற்கு நன்றி றமிஸ்! இப்பொழுது உங்களின் மனத் துயரம் சற்றுக் குறைந்திருக்கும் என்பதில் ஐயமில்லை! கவலை வேண்டாம், கடவுள் நல்லவர்களை சோதிப்பார், கைவிட மாட்டார்!

அடிதடிகலெல்லாம் வேண்டாம்! அமைதியாக கடவுளிடம் முறையிடுங்கள்! உங்கள் வேண்டுதல் வெற்றிபெறும்!!!

அன்பு தளபதி · அன்பு தளபதி Sat May 22, 2010 1:33 pm

விடுங்க ரமீஸ் இப்படியும் சில மனிதர்கள்

ஹனி · ஹனி Sat May 22, 2010 2:01 pm

அருமையாக சொன்னீர்கள் ரமீஸ் இந்த தொந்திரவு எங்குதான் இல்லை விடுங்கள். சில மனிதர்கள் இந்த காலத்திலும் இந்த மாதிரித்தான் உள்ளார்கள்.
பொறாமை படுத்தும் பாடுதான் இது வேறு ஒன்றுமில்லை.
கவிதை அருமை
மகிழ்ச்சி