Latest topics

கைதி எண் சி-7096: கசாபுக்கு புதிய அடையாளம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கைதி எண் சி-7096: கசாபுக்கு புதிய அடையாளம்

Post by ரபீக் Sat May 22, 2010 11:26 am

மும்பை தாக்குதல் வழக்கில் தூக்கு தண்டனை பெற்றுள்ள பாகிஸ்தான் பயங்கரவாதி அஜ்மல் கசாபுக்கு சி-7096 என்ற புதிய எண் வழங்கப்பட்டுள்ளது.
இது குறித்து மும்பை ஆர்தர் சாலை சிறைச் சாலை அதிகாரிகள், வெள்ளிக்கிழமை கூறியது:
மரண தண்டனை விதிக்கப்பட்ட பின் கசாப் தொடர்பான விவரங்களை முறையாக பராமரிப்பதற்காக அவருக்கு சி-7096 என்ற எண் வழங்கப்பட்டுள்ளது. சி பிரிவு என்பது மரண தண்டனை பெற்ற கைதிகளை மட்டும் குறிக்கும்.
இப்போது மரண தண்டனை கைதிகளுக்கான சி பிரிவில் அவர் அடைக்கப்பட்டுள்ளார்.
இதற்கு முன் பி பிரிவில் சிறை வைக்கப்பட்டிருந்தார். மரண தண்டனை விதிக்கப்பட்ட பின், அவர் சிறையில் வேலைகளைச் செய்ய அனுமதிக்கப்படவில்லை. அவரது துணிகளை துவைத்துக் கொள்வது மட்டுமே கசாப் இப்போது செய்யும் ஒரே வேலை.
தன்னை சந்திக்க உறவினர்கள் யாராவது வருவார்கள் என்ற எதிர்பார்ப்பு கசாபிடம் அதிகம் உள்ளது. "என்னை பார்க்க யாராவது வந்திருக்கிறார்களா' என்று அவர் சிறை அதிகாரிகளிடம் அடிக்கடி வினவி வருகிறார்.
பெரும்பாலான நேரங்களில் அறையின் மூலையிலேயே கசாப் அமர்ந்திருக்கிறார் என்று சிறை அதிகாரிகள் தெரிவித்தனர்.

ரபீக்: வழிநடத்துனர்; பதிவுகள் : 15128
இணைந்தது : 07/04/2010