சித்த வைத்தியம்

**சிவா** · **சிவா** Tue Jun 30, 2009 9:24 am

வேப்பமர பிசினை தூளாக்கி பசும்பாலில் உட்கொள்ள கரப்பான் மற்றும் சரும நோய்கள் குணமாகும்.

பச்சை மஞ்சள் கிழங்கை அரைத்து கோலி குண்டு அளவு காலை - மாலை உட்கொள்ள குடல் பிணிகள் அகலும்.

கஸ்தூரி மஞ்சளை கருந்துளசி இலையுடன் சேர்த்து அரைத்து உடல் முழுவதும் சி வெந்நீரில் நீராட எவ்வித சரும நோயும் வராது.

வெற்றிலையுடன் சிறிது உப்பை மடித்து சாப்பிட்டால் வயிற்றில் ஏற்படும் குத்து வலி நீங்கும்.

கசப்பான மருந்தை உட்கொள்ளும்போது வெத்திலைக் காம்பை சுவைத்தால் நன்றாக இருக்கும். குமட்டல் வராது.

வெற்றிலை வேர், கண்டங்கத்திரிவேர், ஆடா தொடை மூன்றையும் சம அளவு எடுத்து கஷாயம் செய்து உட்கொண்டால் காசநோய் குறையும்.

வேப்பம் பூவை உலர்த்தி தூளாக்கி வெந்நீரில் கலந்து உட்கொள்ள அஜீரணம் காரணமாக ஏற்படும் வாந்தி நிற்கும். வாயுத் தொல்லைகள் அகலும்.

வேப்பம் கொட்டைகளிலிருந்து எண்ணெய் தயாரிக்கப்படும்போது உருவாகும் வேப்பம் புண்ணாக்கை பலவிதமான நோய்களுக்கு மருந்தாகப் பயன்படுத்தலாம்.

வேப்பிலையும் மஞ்சளையும் சேர்த்து அரைத்து அம்மைப்புண்கள் மீது தடவ குணமடையும்.

வெற்றிலையும், மிளகும் அரைத்து பாக்களவு உட்கொண்டு பின் வெந்நீர் பருகினால் எல்லாவித விஷங்களும் முறியும்.

கருந்துளசி சாற்றை ஆட்டுப்பாலில் இரண்டு தேக்கரண்டி கலந்து காலை மாலை உட்கொண்டால் ஈரல் தொடர்பான குறைபாடுகள் அகலும்.

**Manik** · **Manik** Tue Jun 30, 2009 9:51 am

சூப்பர் சிவா சார். முக்கியமான தகவலை தந்தமைக்கு நன்றி. இதில் விஷ முறிவு சொன்னீங்களே அது தான் டாப் மகிழ்ச்சி

Guest · Guest Wed Jul 01, 2009 9:17 pm

மிகவும் அ௫மையான தகவல் மகிழ்ச்சி

சபீர் · சபீர் Sat Aug 07, 2010 8:48 pm

மிகவும் அ௫மையான தகவல் சித்த வைத்தியம் 677196

மஞ்சுபாஷிணி · மஞ்சுபாஷிணி Sat Aug 07, 2010 9:34 pm

பயனுள்ள எல்லோருக்கும் எளிதாய் கிடைக்கும் வீட்டிலிருக்கும் துளசி வேம்பு வெற்றிலை இதனால் குணமாக்கும் நோய்களுக்கான அருமையான பகிர்வை தந்த சிவாவுக்கு அன்பு நன்றிகள்பா...

**T.N.Balasubramanian** · **T.N.Balasubramanian** Sat Aug 07, 2010 11:28 pm

நல்ல தகவல். தென்னகத்தில்,இஞ்சியை உபயோகப் படுத்துவது போல், குஜராத்தில்,இளம் குருத்து மஞ்சளை,சமையலில் உபயோகப் படுத்துகிறார்கள். நாம் மா இஞ்சி சாப்பிடுவது போல், எலுமிச்சை பழம் பிழிந்து, ஊறுகாய் போல் சாப்பிடுவதும்,ரொட்டிக்கு dhall உடன் சிறிய துண்டுகளாக வெட்டி உண்பதும் உண்டு. சித்த வைத்தியம் 154550