அழகான மலரும் விட்டில் பூச்சியும்

by பாரதிப்பிரியன் Thu May 20, 2010 1:26 am

First topic message reminder :

அழகான மலரும் விட்டில் பூச்சியும் - Page 2 599303

பார்த்தேன் உன்னைப்

புத்தம் புது மலராக

உன் வாசம் காற்றோடு கலந்து

என்னைத் தஞ்சமடைந்தது

நீ என்றென்றும் வாடாத மலரென்று

எனக்குத் தெரியும்

உனைத்தினம் தினம் காணாவிடின்

வாடிவிடும் என் முகத்தை நீ அறிந்தாய் அழகான மலரும் விட்டில் பூச்சியும் - Page 2 599303

உன்னைச் சுற்றிச் சுற்றி வலம் வந்தன

வண்டுகளும் தேனீக்களும்

அழகான வண்ணத்துப் பூச்சிகளும்

உன் மகரந்தம் தனிலே தேனருந்த

வந்தவற்றை துரத்தியது ஏனோ

நான் ஒரு விட்டில் பூச்சிதானே

அதனாலா என்னை நீ விரட்டவில்லை? அழகான மலரும் விட்டில் பூச்சியும் - Page 2 599303

மின்னலைப் போலே என் முன்னே

தோன்றிச் சென்ற உன்னோடு

பேச என் உதடுகள் தயங்கின

கண்ணோடு கண்கள் பேசுமாம்

உன்னோடும் அப்படிப் பேச ஆசைதான்

கோழையாக மாறிவிட்டேன் உன்னால்

ஊமையாகவும் மாறிவிட்டேன்

உன் கண்கள் எனைத் தீண்டும் போது அழகான மலரும் விட்டில் பூச்சியும் - Page 2 599303

ஆயிரம் மின்னல்கள் என்னருகே வந்தது போல்

கோடி சூரியர் சேர்ந்து ஒளிதனைத் தந்தது போல்

என்னை நீ நாடி வந்த நாளின்போது உணர்ந்திட்டேன்

என் சுமை தாங்க நீ வந்த நாளது

மனதிலே அன்று மயக்கம்

உதடிலே இன்னும் தயக்கம்

நான் கேட்க நினைப்பதெல்லாம்;

என்னை நீ விரும்புகிறாயா.. அழகான மலரும் விட்டில் பூச்சியும் - Page 2 599303

கடிதங்கள்
கொடுத்துவிட்டேன்

காதலை நேரில் சொல்ல

மீண்டும் நான் ஒரு
கோழையாக,

நீயோ ஒரேயொரு
ஜீவனுக்காய்

ஏங்கிடும் மலராகத்
தவித்தாய்

நானே அந்த ஜீவனாக

எண்ணிய உன் இதழ்கள்

என்னை ஜாடையாக

அழைத்ததைக் கூட

நான் புரியவில்லை அழகான மலரும் விட்டில் பூச்சியும் - Page 2 599303

வருடங்கள் கழிந்தது

யுகங்கள் உருண்டது

விதி எம்மைப் பிரித்தது

பிரிவின் கொடுமை

விட்டில் பூச்சி என்னை

விளக்கை நோக்கிச் செல்லவைத்தது

பற்பல தடவை கருகிய எனக்கு

உன் நினைவு மட்டும் கருகவில்லை

உருகிய என் நெஞ்சம்

நீ எங்கே என்று அலைந்தது அழகான மலரும் விட்டில் பூச்சியும் - Page 2 599303

என்னருமை வாடா மலரே

இன்றும் நீ வாசமுடன்
வருவாயா

வண்டுகளும்
தேனீக்களும்

அழகான வண்ணத்துப்
பூச்சிகளும்

துரத்திவிட்டு

கருகிய விட்டில்
பூச்சியை நோக்கி

வருவாயா அழகான மலரும் விட்டில் பூச்சியும் - Page 2 599303

இல்லை உந்தன் இதழ்களில்

வண்ணத்துப் பூச்சியுண்டோ

பொன் வண்டுண்டோ

பருகிடத் தேனீயுண்டோ

சொல்

உன்னை நினைத்தே

விளக்கில் நான்

முற்றிலும்

மடிந்துவிடுகின்றேன் அழகான மலரும் விட்டில் பூச்சியும் - Page 2 599303