பனை நுங்கு வியாபாரம் படுஜோர்

திருத்தணி அருகே பொதட்டூர்பேட்டை பகுதியில் பனை நுங்கு வியாபாரம் சூடுபிடிக்கத் தொடங்கியுள்ளது.

தமிழகத்தில் எப்போதும் இல்லாத அளவுக்கு வெயிலின் தாக்கம் அதிகரித்துள்ளது.​ ​

சித்திரை மாதம் அக்னி நட்சத்திரம் தொடங்கி தற்போது கோடை வெயிலின் தாக்கம் உச்சகட்டத்தை எட்டியுள்ளது.​ திருத்தணி மற்றும் சுற்றுப்புறப் பகுதிகளில் வெயிலின் தாக்கம் நாளுக்கு நாள் அதிகரித்துள்ளது.​ பகல் நேரத்தில் அனல் காற்றும்,​​ இரவு நேரத்தில் புழுக்கமும் ஏற்படுகிறது.​ இதனால் குழந்தைகள் முதல் முதியோர்கள் வரை தூங்க முடியாமல் அவதிப்படுகின்றனர்.

வெப்பத்தை தாக்குப் பிடிக்க முடியாமல்,​​ வெம்மையை தணித்துக் கொள்ள குளிர்பானங்கள்,​​ பழவகைகள் என பல வழிகளை மக்கள் நாடுகின்றனர்.​ அதேபோல் இளநீர்,​​ வெள்ளரிக்காய்,​​ தர்ப்பூசணி ஆகியவற்றையும் மக்கள் அதிகம் பயன்படுத்தப்படுத்துகின்றனர்.​ கோடைக்காலம் என்பதால் இளநீர் ஒன்று ரூ.20 வரை விற்கப்படுகிறது.​ வெள்ளரிக்காய் மற்றும் தர்ப்பூசணிக்கும் குறைந்தபட்சம் ரூ.5 கொடுக்க வேண்டியுள்ளது.

இந்நிலையில் பொதட்டூர்பேட்டை மற்றும் அதை சுற்றுப்பகுதிகளில் பனை நுங்கு வியாபாரம் சூடு பிடிக்கத் தொடங்கியுள்ளது.

பள்ளிப்பட்டு முதல் சொரக்காய்பேட்டை வரை குசஸ்தலை ஆற்றின் கரை ஓரத்தில் உள்ள ஏரிக்கால்வாய்களில் இருபுறமும் நூற்றுக்கணக்கான பனை மரங்கள் உள்ளன.​ இதிலிருந்து பனங்காய் வெட்டி எடுத்து நுங்கு சேகரிக்கப்பட்டுள்ளது.

இது குறித்து பனை நுங்கு வியாபாரி குமரேசன் கூறியதாவது:

பொதட்டூர்பேட்டை சுற்றியுள்ள உள்ள கிராமங்களான சொரக்காய்பேட்டை,​​ கொளத்தூர்,​​ பெருமாநல்லூர் பகுதியில் பனை மரங்கள் அதிகம் உள்ளன.​ மேற்கண்ட பகுதியிலிருந்து தினசரி மரம் ஏறி நுங்கு சேகரித்து விற்பனைக்கு கொண்டு வருகிறோம்.​ இவை அனைத்தும் குளிர்ச்சியாக இருப்பதால் பொதுமக்கள் அதிகம் வாங்கி செல்கின்றனர்.

ஒரு நுங்கு ரூ.1.50-க்கு விற்கப்படுவதால் அனைவராலும் விரும்பி வாங்கப்படுகிறது.

சொரக்காய்பேட்டை பகுதி சுற்றியுள்ள பாண்டரவேடு,​​ கேசவராஜகுப்பம்,​​ புன்னியம் ஜங்காளப்பள்ளி,​​ பொதட்டூர்பேட்டை பஸ் நிலையம் உள்ளிட்ட பகுதிகளிலும் பனை நுங்கு விற்பனை அமோகமாக நடக்கிறது என்றார் குமரேசன்

நுங்கு நான் கடந்த வாரம் வாங்கினான் 6 நுங்கு Rs.௦10

ramesh.vait wrote:நுங்கு நான் கடந்த வாரம் வாங்கினான் 6 நுங்கு Rs.௦10

மரத்தில் ஏறி நுங்கு வெட்டத் தெரியாதா? இதெல்லாமா பணம் கொடுத்து வாங்குவது!!!

நான் என்ன உங்கள போல விஜயை ?

ramesh.vait wrote:நான் என்ன உங்கள போல விஜயை ?

அட, அடிக்கடி நாய் துரத்தும் பொழுது ஓடிப் போய் ஏறி பழகிப் போச்சுப்பா!!!

நுங்கு சாப்பிட்டா ரொம்ப நல்லதாம்!

பிச்ச wrote:நுங்கு சாப்பிட்டா ரொம்ப நல்லதாம்!

எதுக்கு

ramesh.vait wrote:

பிச்ச wrote:நுங்கு சாப்பிட்டா ரொம்ப நல்லதாம்!

எதுக்கு

நுங்கு வியாபாரிக்கு!!

சிவா wrote:

ramesh.vait wrote:

பிச்ச wrote:நுங்கு சாப்பிட்டா ரொம்ப நல்லதாம்!

எதுக்கு

நுங்கு வியாபாரிக்கு!!

ஆமாம்.

1.நுங்கை சுற்றி வெளிர் மஞ்சள் நிறத்தில் உள்ள ஓடு போன்ற பொருள் குடலுக்கு ரொம்ப நல்லது,
2.நுங்கு நல்ல குளிர்ச்சியை தரும்.
3.முற்றிய நொங்கு வாயிற்று வலியை ஏற்படுத்தும்.