நாடு கடந்த தமிழ் ஈழ அரசின் தலைவராக ருத்திரகுமாரன் தேர்வு

ரபீக் · ரபீக் Wed May 19, 2010 3:40 pm

நாடு கடந்த தமிழ் ஈழ அரசின் தலைவராக ருத்திரகுமாரன் தேர்வு செய்யப்பட்டுள்ளதாக தகவல்கள் வெளியாகியுள்ளன.

நாடு கடந்த தமிழ் ஈழ அரசின் பிரதிநிதிகளாக பல்வேறு நாடுகளில் வசிக்கும் தமிழர்கள் தேர்தல் வாக்குப்பதிவு மூலம் 115 பேரை தேர்வு செய்துள்ளனர். இவர்களின் முதல் கூட்டம் அமெரிக்காவில் பிடடெல்பியா நகரில் நடைபெற்றதாகவும், இக்கூட்டத்தில் 87 பிரதிநிதிகள் நேரடியாகவும் மற்றவர்கள் டெலிகான்ஃபிரன்ஸ் முறையிலும் கலந்துகொண்டதாகவும் இலங்கைத் தமிழ் இணையதளங்களில் செய்தி வெளியாகியுள்ளது.

இக்கூட்டத்தின் இறுதியில், நாடு கடந்த தமிழ் ஈழ அரசின் தலைவராக விசுவநாதன் ருத்திரகுமாரன் தேர்வு செய்யப்பட்டதாக அந்த இணையதளங்களில் கூறப்பட்டுள்ளது.

லண்டனைச் சேர்ந்த பிரதிநிதி ஜெயானந்தமூர்த்தி தலைவர் பதவிக்கு போட்டியிட முயற்சி மேற்கொண்ட நிலையில், பின்னர் அவர் தனது முடிவை மாற்றிக்கொண்டதாகவும் கூறப்படுகிறது.