தி.மு.க.வில் இணைப்பு குஷ்பு எம்.எல்.சி. ஆவாரா?

தமிழ்நாட்டில் மீண்டும் மேல்சபை அமைப்பதற்கான தீர்மானம் பாராளுமன்றத்தின் இரண்டு சபைகளிலும் நிறைவேறிவிட்டது. ஜனாதிபதி கையெழுத்திட்டவுடன் இதற்கான நடவடிக்கைகள் தொடங்கும்.

ஜனாதிபதி கையெழுத்திட்ட பிறகு 4 முதல் 6 மாதங்களுக்குள் தமிழ்நாடு மேல்சபை அமைக்கப்பட்டு விடும். 78 பேர் உறுப்பினர்கள் ஆவார்கள். இதில் மூன்றில் ஒரு பங்கு எம்.எல்.சி.க்கள் சட்டசபையில் உள்ள எம்.எல்.ஏ.க்கள் மூலம் தேர்ந் தெடுக்கப்படுகிறார்கள். கட்சிகளின் பலத்தின் அடிப்படையில் இவர்களின் எண்ணிக்கை இருக்கும்.

தி.மு.க.வின் பலம் தமிழக சட்டசபையில் 100 ஆக உள்ளது. எனவே, தி.மு.க. சார்பில் அதிகமானோர் எம்.எல்.சி. ஆக வாய்ப்பு உள்ளது. இதில், தி.மு.க.வின் முக்கிய பிரமுகர்களுக்கு முன்னுரிமை கிடைக்கும்.

அந்த வகையில் புதிதாக தி.மு.க.வில் சேர்ந்த நடிகை குஷ்புவுக்கு எம்.எல்.சி. ஆகும் வாய்ப்பு இருப்பதாக கட்சி வட்டாரங்கள் தெரிவிக்கின்றன. குஷ்பு தி.மு.க.வில் சேராமல் இருந்திருந்தாலும், கலைத்துறை சார்பில் எம். எல்.சி.யாக கவர்னர் மூலம் நியமிக்கப்பட வாய்ப்பு இருந்தது. இப்போது, தி.மு.க. வில் சேர்ந்து விட்டதால் அவருக்கு மேல்சபை உறுப்பினராகும் வாய்ப்பு அதிகம் உள்ளது என்று கூறப்படுகிறது.

தமிழக மேல்சபை முறைப்படி அமைய இன்னும் சில மாதங்கள் ஆகும். தி.மு.க. மேலிடம் இதுவரை மேல்சபை உறுப்பினர்களாக யாரை நியமிக்கலாம் என்பதை பற்றி ஆலோசிக்கவில்லை. முதல்- அமைச்சர் கருணாநிதி தி.மு.க. உயர்நிலைக்குழு கூட்டத்தை கூட்டி இதுபற்றி முடிவு செய்வார். அதன் பிறகுதான் யாருக்கு தி.மு.க. சார்பில் எம்.எல்.சி. பதவி என்பது தெரிய வரும் என்று கட்சியின் முக்கிய பிரமுகர் ஒருவர் தெரிவித்தார்.
தி.மு.க. கூட்டணி கட்சிகள் சார்பில் பலர் இப்போதே எம்.எல்.சி. பதவி பெற முயற்சி செய்து வருகிறார்கள். இந்த நிலையில், குஷ்புவுக்கு அதிக வாய்ப்பு உள்ளது என்று கட்சி வட்டாரத்தில் பரபரப்பாக பேசப்படுகிறது.

அந்தம்மா எம் எல்சியும் ஆவாங்க.நம்ம துணை முதல்வருக்கு இணைப்பாகவும் ஆவாங்க.
அதுக்குதான தி,மு,கவுல சேர்ந்து இருக்கா.இதுக்கு சும்மா கொள்கை பிடிச்சு இருக்குன்னு சப்ப கட்டு வேற

அரசியல் ஒரு சாக்கடை கண்டியலே ,இன்று அடி பட்டவன் நாளை அவனுக்கே மாலை போடுவான் ,,,கேவலம் கெட்ட பொழப்புக்கு இப்பவே கட்டையில் போகலாம் ....