காலாவதியாவதற்கு முன்....

by எஸ்.எம். மபாஸ் Tue May 18, 2010 11:35 am

கடல் கடந்து என்
கரம் சேர்ந்து இருக்கும் உன்
கடிதம்!

அழிந்த எழுத்துகளும் உன்
அழுகைதான் காரணம் என
சொல்லாமல் சொல்ல;
கனத்த இதயமோ
ரணமானது மெல்ல!!

வழியில்லாமல்
வளைகுடாவில் நானும்;
விதியே என வீட்டிற்குள் நீயும்!

என் சொந்தங்களை கரையேற்ற
உன் சோகம் பணயமாக
பயணம் வந்தேன்
பாலைவனத்திற்க்கு!

என்னோடு சேர்ந்து
இன்னுமொரு கூட்டம்
வலியோடு இருந்தாலும்
வாய் விட்டு சிரிப்போம்!

கலகலப்பாக
கட்டிலுக்கு சென்றாலும்
கணப் பொழுதில்
கனமாகும் நெஞ்சம்;

உன் நினைவோடு
கனவுக்கு காலடிவைத்தாலும்
அங்கேயும் நீ கேட்பது என்னவோ
என் விடுமுறையைப் பற்றிதான்!!

பசியோடு இருந்தாலும் என்
பக்கத்தில் நீ வேண்டும்;
நடத்தியதுப் போதும் குடும்பம் பாலையோடு
முடித்துவிட்டு வந்துவிடு நாளையோடு என்று!

வெகுளியாய் உன் கையெழுத்திற்கு முன்
வெறுப்பாய் என் கண் முன்னே வெளிநாடு;
காலத்தோடு வந்துவிடுகிறேன்
காலாவதியாவதற்கு முன்னே
வருத்தப்பட்டு பிரயோஜனம் இல்லை
காலம் போனப் பின்னே!

by Ila Sat May 22, 2010 12:51 am

எஸ்.எம். மபாஸ் wrote:கடல் கடந்து என்
கரம் சேர்ந்து இருக்கும் உன்
கடிதம்!

வழியில்லாமல்
வளைகுடாவில் நானும்;
விதியே என வீட்டிற்குள் நீயும்!

என்னோடு சேர்ந்து
இன்னுமொரு கூட்டம்
வலியோடு இருந்தாலும்
வாய் விட்டு சிரிப்போம்!

கலகலப்பாக
கட்டிலுக்கு சென்றாலும்
கணப் பொழுதில்
கனமாகும் நெஞ்சம்;

வெகுளியாய் உன் கையெழுத்திற்கு முன்
வெறுப்பாய் என் கண் முன்னே வெளிநாடு;
காலத்தோடு வந்துவிடுகிறேன்
காலாவதியாவதற்கு முன்னே
வருத்தப்பட்டு பிரயோஜனம் இல்லை
காலம் போனப் பின்னே!

ரொம்ப நல்ல இருக்கு.. குடும்பங்களை விட்டுட்டு, வெளிநாடுகளில் வசிப்போரின்.. உண்மை உணர்வுகள்..
நன்றி

by அப்புகுட்டி Sat May 22, 2010 1:03 am

என்ன பண்ண தெரிந்திருந்தும் எங்கள் நிலை வெளி நாட்டில்தான் உள்ளது நன்றி உருகும் வரிகள்.

by வழிப்போக்கன் Sat May 22, 2010 3:34 am

வீட்டைப்பிரிந்து வெளிநாடுகளில் வசிப்போரின் மன எண்ணங்களினை அருமையாக வெளிப்படுத்தியுள்ளீர்கள் பாராட்டுக்கள் மகிழ்ச்சி

by **சிவா** Sat May 22, 2010 8:39 am

சிறந்த மனதின் வெளிப்பாடு மபாஸ்!

by கோவை ராம் Sat May 22, 2010 9:51 am

அர்தம் பொதிந்த, மிக அழகிய அழுதமான வரிகள்

அருமை நண்பரே

ராம்

by எஸ்.எம். மபாஸ் Sat May 22, 2010 11:10 am

Ila wrote:
எஸ்.எம். மபாஸ் wrote:கடல் கடந்து என்
கரம் சேர்ந்து இருக்கும் உன்
கடிதம்!

வழியில்லாமல்
வளைகுடாவில் நானும்;
விதியே என வீட்டிற்குள் நீயும்!

என்னோடு சேர்ந்து
இன்னுமொரு கூட்டம்
வலியோடு இருந்தாலும்
வாய் விட்டு சிரிப்போம்!

கலகலப்பாக
கட்டிலுக்கு சென்றாலும்
கணப் பொழுதில்
கனமாகும் நெஞ்சம்;

வெகுளியாய் உன் கையெழுத்திற்கு முன்
வெறுப்பாய் என் கண் முன்னே வெளிநாடு;
காலத்தோடு வந்துவிடுகிறேன்
காலாவதியாவதற்கு முன்னே
வருத்தப்பட்டு பிரயோஜனம் இல்லை
காலம் போனப் பின்னே!

ரொம்ப நல்ல இருக்கு.. குடும்பங்களை விட்டுட்டு, வெளிநாடுகளில் வசிப்போரின்.. உண்மை உணர்வுகள்..
நன்றி