நாகை அருகே கட்டப்பஞ்சாயத்தில் 'பிரம்படி' : அவமானத்தால் தீக்குளித்த இளம் பெண் சாவு

arularjuna · arularjuna Tue 18 May 2010 - 11:26

நாகப்பட்டினம் : நாகை அருகே காதல் ஜோடியையும், உதவி புரிந்த இளம் பெண்களையும் கட்டப்பஞ்சாயத்தில் பிரம்பால் அடித்ததால், மனமுடைந்த இளம்பெண் தீக்குளித்து இறந்தார்.

நாகை அடுத்த திருச்செங்கங்காட்டாங்குடியைச் சேர்ந்தவர்கள் தேவிகா(18), சத்யா(19), பரிமளா(18). மூவரும் சில ஆண்டுகளாக திருப்பூரில் பனியன் கம்பெனி ஒன்றில் வேலை பார்த்தனர். அப்போது மற்றொரு நிறுவனத்தில் வேலை பார்த்த திருவாரூர் மாவட்டம் சேங்கலூரைச் சேர்ந்த பிச்சைமணி(23)யை காதலித்து மணந்தார் சத்யா. திருமணம் செய்து கொண்டு தனியாக வசித்தனர். இத்தகவலை சத்யாவின் தந்தை பாலு திருச்செங்கங்காட்டாங்குடி கிராம நாட்டாண்மை சரவணன்(30) என்பவரிடம் தெரிவித்தார். காதல் திருமணம் செய்த மற்றும் அவர்களுக்கு உதவி புரிந்த தேவிகா, பரிமளா ஆகிய நான்கு பேரையும் கிராமத்திற்கு வரவழைத்த நாட்டாண்மை சரவணன், ஓடும் பிள்ளை பக்கிரிசாமி(50) ஆகியோர் கடந்த 8ம் தேதி கிராமத்தினர் முன் விசாரணை செய்து, புளிய மரத்தின் குச்சியால் தாக்கி, தலா 500 ரூபாய் அபராதம் விதித்தனர். கிராமத்தினர் முன் தாக்கப்பட்டதால் அவமானம் தாங்காமல், வீட்டிற்கு சென்ற தேவிகா மண்ணெண்ணெய் ஊற்றி தீக்குளித்தார். நாகை அரசு மருத்துவமனையில் சேர்க்கப்பட்டவர் நேற்று முன்தினம் இரவு இறந்தார். திட்டச்சேரி போலீசார் வழக்கு பதிந்து நாட்டாண்மை சரவணன், ஓடும்பிள்ளை பக்கிரிசாமியை கைது செய்தனர்.

mohan-தாஸ் · mohan-தாஸ் Tue 18 May 2010 - 11:32

யாரை குற்றம் சொல்வது

arularjuna · arularjuna Tue 18 May 2010 - 13:03

கல்யாணம் செய்தவர்கள் இருவரும் கல்யாணத்திற்கு தகுதியானவர்கள் பிறகு ஏன் அவர்களை தண்டித்தார்கள் இதனால் பாவம் ஒரு அப்பாவி பெண் பலியாகிவிட்டால்

Sponsored content · Sponsored content

நாகை அருகே கட்டப்பஞ்சாயத்தில் 'பிரம்படி' : அவமானத்தால் தீக்குளித்த இளம் பெண் சாவு

நாகை அருகே கட்டப்பஞ்சாயத்தில் 'பிரம்படி' : அவமானத்தால் தீக்குளித்த இளம் பெண் சாவு

Re: நாகை அருகே கட்டப்பஞ்சாயத்தில் 'பிரம்படி' : அவமானத்தால் தீக்குளித்த இளம் பெண் சாவு

Re: நாகை அருகே கட்டப்பஞ்சாயத்தில் 'பிரம்படி' : அவமானத்தால் தீக்குளித்த இளம் பெண் சாவு

Re: நாகை அருகே கட்டப்பஞ்சாயத்தில் 'பிரம்படி' : அவமானத்தால் தீக்குளித்த இளம் பெண் சாவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக