சரவணா ஸ்டோர்சில் ஏழு

balakarthik · balakarthik Sat May 15, 2010 10:59 am

ஆறுவின் பிறந்த நாளிற்காக புத்தாடை வாங்க மொத்தக் குழுவும் சரவணா ஸ்டோர்ஸ்க்கு சென்றோம். அங்கேதான் எல்லாமே சீப்பா கிடைக்கும் என்று பரிந்துரைத்தவன் பாலாஜிதான்.

மச்சி, எங்க வாங்கினாலும் சீப்பா கிடைக்கிறது எது சொல்லு? என்றபடி எங்கள் தலைவலியை துவக்கினான் ஏழு.

ஒன்னும் ஒன்னும் மூனு என்று சொல்லும் பாலாஜிக்கு இதுக்கு மட்டும் விடை தெரியுமா என்ன? ஏழுவே சொன்னான்

வாழைப்பழம்டா..

சத்தம் மட்டும் கேட்டது. அதன் பின் ஏழு வாயை மூடிக் கொண்டு வந்தான். எதிரில் வந்த இன்னொரு கேங்கில் ஒருவன், எங்கடா.. சரக்கா? என்றான்.
இல்லடா. டி.நகர் என்றான் ஆறு.

எதுக்கு? டீ சாப்பிடவா என்று அவன் சொன்னவுடன் கூட வந்த ஜால்ராக்கள் ஓவர் சவுண்ட் விட்டார்கள். ஏழுவை முறைத்தான் ஆறு. ஏழு வாய் திறந்தார்.

நீங்க எங்க மச்சி. வழக்கம் போல பீச்சா?

ஆறு விழுந்து விழுந்து சிரித்தான். செல்லும் வழியிலே சத்தம் போடாமல் பாலாஜியும், ஏழுவும் மட்டும் ஆளுக்கொரு பியரை முடித்துவிட்டு வந்தார்கள். கடையின் உள்ளே காலடி வைத்ததும் கேட்டான் ஏழு

மச்சி. விவசாயம் செய்றவனுக்கும் சாராயம் காய்ச்சுவறனுக்கும் என்னடா வித்தியாசம்?

அவனே சொன்னான். விவசாயி வயல்களுக்கு தண்ணி பாய்ச்சுவான். இவன் பயல்களுக்கு தண்ணி காய்ச்சுவான். எப்பூடீ என்றவுடன் புரிந்துவிட்டது எனக்கு. முதல் மாடிக்கு சென்றோம். அன்றுதான் புதுசாக ஒரு செக்‌ஷன் துவங்கி அதில் A, B, C என தனித்தனி பகுதிகளாக பிரித்து வைத்திருந்தார்கள்.ஏழுவுக்கு ஏற்றது போல் ஒருவன் சிக்கினான்.

தம்பி. branded shirts என்ன இருக்கு?
ஆரோ ஷர்ட் இருக்கு சார். 40% தள்ளுபடி.
என்ன நக்கலா? யாரோ ஷர்ட் எதுக்கு நாங்க வாங்கனும்? புது ஷர்ட்டுதான் வேணும்.
சார் புதுசுதான். கம்பெணி பேரு Arrow
அப்படியா? Arrow ஷர்ட் எங்க இருக்கு?
A ரோல பாருங்க சார்.
அதாம்ப்பா. Arrow ஷர்ட். எங்க இருக்கு?
அதான் சார். A rowல பாருங்க.
இவன் வெளங்காதவண்டா என்றபடி சற்று நகர்ந்தான்

தம்பி Derby ஷர்ட் எங்க இருக்கு?
B ரோல இருக்கும் பாருங்க சார்.
என்னங்கடா? pepe shirts washing machineல இருக்கு, Venfield ஷர்ட் துவைச்சு காயப்போட்டிருக்குன்னு சொல்லுவாங்க போல இருக்கே.
என்ன சார் வேணும்? (புதிதாய் இன்னொருவன்)
Zero shirt ல நல்லதா காட்டுப்பா
C rowல பாருங்க சார்.
அதாம்ப்பா. zero ஷர்ட்டுதான். எங்க இருக்கு?
என்ன சார் நீங்க? C rowல இருக்கு சார்.
ங்கொய்யால சட்டையே வேணாம். டீஷர்ட் எங்கப்பா இருக்கு?
நேரா போய் லெஃப்ட்டுல திரும்புங்க சார்.
என்னால் நேரா போக முடியாது. கொஞ்சம் வளைஞ்சு நெளிஞ்சு போனா வருமா?
வரும் சார்.
தம்பி. டீ ஷர்ட் வேணும்.
எப்படி வேணும் சார்?
ம்ம். லைட்டா. சக்கரை கம்மியா கொடு. என்னப்பா நீ?
இல்ல சார். சில பேரு காலர் வச்சு வாங்குவாங்க. சில பேரு முழுக்கை வச்சு வாங்குவாங்க. நீங்க எப்படி?
கைல காசில்லப்பா. அதனால கால்குலெட்டர் வச்சுதான் வாங்குறேன்.
என்ன சார் நீங்க. விளையாடாம என்ன வேணும்ன்னு சொல்லுங்க.
சரிப்பா. ஒரு நல்ல டீஷர்ட் வேணும்.
(அவரே ஒரு நல்ல டீஷர்ட் எடுத்து தர trail roomக்கு செல்கிறான் ஏழு. அங்கே தவறுதலாய் ஹேங்கரில் இருந்த லேடீஸ் டீஷர்ட்டை எடுத்துப் போடுகிறான். கையில் அவனது சட்டை என்று மினி ஸ்கர்ட்டை எடுத்துக் கொண்டு வெளியே வந்தான்.அலறிய ஆறு கத்தினான்)

டேய் முதல்ல அதை கீழ போடுடா.

அப்படியா மச்சி? அதான் டைட்டா இருக்கு. நான் இதை மேல போடுறதுன்னு நினைச்சு போட்டுட்டேன்.

நாதாரி. கைல இருக்கிறத கீழ போடு. இது லேடீஸ் டீஷர்ட். உள்ள போய் உன் கருமத்த போட்டுட்டு வா என்று கத்திய ஆறுவின் கண்களில் படாமல் எஸ் ஆனான் பாலாஜி.

கலைவேந்தன் · கலைவேந்தன் Sat May 15, 2010 11:14 am

சிரித்து சிரித்து வயிறு புண்ணானது பாலா கார்த்திக்... நல்லா சரளமா நகைச்சுவை வருது உங்களுக்கு...

இன்னும் இன்னும் கொடுங்க பாலா....

- பாலாகார்த்திக் ரசிகன்

balakarthik · balakarthik Sat May 15, 2010 11:20 am

கலை wrote:சிரித்து சிரித்து வயிறு புண்ணானது பாலா கார்த்திக்... நல்லா சரளமா நகைச்சுவை வருது உங்களுக்கு...

இன்னும் இன்னும் கொடுங்க பாலா....

- பாலாகார்த்திக் ரசிகன்

கொஞ்சம் ஓவராத்தான் இருக்கு இருந்தாலும் இந்த டீளிங்க்ஸ் எனக்கு புடிச்சுருக்கு சரவணா ஸ்டோர்சில் ஏழு 678642

கலைவேந்தன் · கலைவேந்தன் Sat May 15, 2010 11:29 am

கிண்டலுக்கு சொல்லலை பாலாகார்த்திக் ... அந்த நமீதா மகமாயி சத்தியமா உண்மைதான் சொன்னேன்..

இந்த ஃபீலிங் எனக்கும் பிடிச்சுருக்கு... சரவணா ஸ்டோர்சில் ஏழு 359383

மஞ்சுபாஷிணி · மஞ்சுபாஷிணி Sat May 15, 2010 11:34 am

பாலாகார்த்திக் கலை காலைவணக்கம் எனக்கு சொல்லுமுன் மஞ்சு மஞ்சு இதை படியேன் செம்ம சிரிப்பு உன் உம்மணாம்மூஞ்சி இதை படிச்சதும் சிரிக்கலன்னா பாரு அப்டின்னு சொல்லி உங்க இந்த கதையை கொடுத்தார்...

உண்மையாவே செம்ம சிரிப்பு.....பாவம்பா ஏழு... அறியாத சின்னப்புள்ள....அதான் இப்படி சொல்லி மாட்டி எல்லார் கிட்டயும் வாங்கிக்கிட்டார்....

செம்ம சிரிப்பு பாலாகார்த்திக்...

பகிர்ந்தமைக்கு அன்பு நன்றிகள் பாலாகார்த்திக்...

சரவணன் · சரவணன் Sat May 15, 2010 11:40 am

ஹாசிம் · ஹாசிம் Sat May 15, 2010 11:43 am

ஏழு கடுமையாத்தான் கலக்கிறாரு எட்டாயிராம பாத்துக்கங்க

Sponsored content · Sponsored content

சரவணா ஸ்டோர்சில் ஏழு

சரவணா ஸ்டோர்சில் ஏழு

Re: சரவணா ஸ்டோர்சில் ஏழு

Re: சரவணா ஸ்டோர்சில் ஏழு

Re: சரவணா ஸ்டோர்சில் ஏழு

Re: சரவணா ஸ்டோர்சில் ஏழு

Re: சரவணா ஸ்டோர்சில் ஏழு

Re: சரவணா ஸ்டோர்சில் ஏழு

Re: சரவணா ஸ்டோர்சில் ஏழு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக