நான்கு கல்லூரி மாணவர்கள்

**சிவா** · **சிவா** Fri May 14, 2010 9:07 pm

கல்லூரியில் படிக்கும் நான்கு மாணவர்களுக்கு அடுத்த நாள் காலையில் வகுப்புத் தேர்வு இருக்க, முதல்நாள் முழுவதும் ஊர் சுற்றிவிட்டு அடுத்த நாள் எப்படி தேர்விலிருந்து எஸ்கேப் ஆவது எனத் திட்டம் போட்டனர்.

அடுத்தநாள் உடல் முழுவதைம் அழுக்காக்கிக்கொண்டு சட்டைகளில் கார் கிரீஸைத் தடவிக்கொண்டு ஆசிரியர் முன் ஆஜராகினர்.

"சார் நேற்று ஒரு திருமண விழாவிற்குப் போய்விட்டு பின்னிரவில் வரும் வழியில் கார் டயர் வெடித்து ரிப்பேர் ஆகிவிட்டதால் இறங்கி சரி செய்ய முயற்சி செய்தோம். சரியாகாததால் இவ்வளவுநேரம் தள்ளிக்கொண்டு வந்தோம். எங்களால் தேர்வு எழுத முடியாது" எனத் தெரிவித்தான் ஒருவன்.

ஆசிரியர் "பரவாயில்லை. இன்று ஓய்வெடுத்துக்கொள்ளுங்கள். இன்னும் மூன்று நாட்கள் கழித்து தனித்தேர்வு எழுதிக்கொள்ளலாம்" எனக் கூற, நால்வரும் சந்தோஷமாய்ச் சென்றனர், அதற்குள் படித்துவிடலாம் என நினைத்துக்கொண்டு.

மூன்று நாட்கள் கழித்து, தனித்தனியே தேர்வு எழுத அமர்ந்தனர். நால்வருக்கும் தனித்தனியே கேள்வித்தாள் வழங்கப்பட்டது. 100 மதிப்பெண்களுக்கு கேட்கப்பட்டிருந்தது. கேள்விகள் இதோ :

1. உங்கள் பெயர் ______________ (2 மார்க்)
2. மூன்று தினங்களுக்கு முன் காரில் எந்த டயர் வெடித்தது? (98 மார்க்)