மழையே உனக்கு நன்றி....

by மஞ்சுபாஷிணி Wed May 12, 2010 8:41 pm

அனுமதி கேளாது உள்ளத்தில் நுழைந்துவிடு
முடிந்தவரை உண்டு முடியாததை முத்தமிடு
மென்று முடித்த கணங்களை
கம்பீரமாய் நினைத்துவிடு

ஆண்டு அனுபவித்த பொழுதுகளை
சுகமாய் அசைப்போட்டுவிடு
ஒட்டிக்கிடக்கும் தேகத்தை
முத்தத்தால் இன்னும் இறுக்கிவிடு

மழைத்துளிகள் உடல்களைப் போர்த்திக்கொள்ள
காதல் அரங்கேற்றம் நடத்திவிடு
மூச்சுக்காற்று போட்டியிட
முத்தத்துக்கு முதலிடம் கொடுத்துவிடு

உடைகளற்ற உடல்களை
மழைக்குக் கொஞ்சம் விட்டுக்கொடு
மழைக்கவிதை எழுதிவிட
முத்தங்களை சாரலாய் தெளித்துவிடு

காதல் பெருகி காமம் உருகி
தேகம் பதறி முத்தங்கள் சிதறவிடு
ஜில்லென்ற மழையின் சாரலில்
தேகச்சூட்டின் ஏக்கங்கள் கரைத்துவிடு

உடலை வான்மழையில் நனைத்துவிடு
உள்ளத்தை எனக்கு மட்டும் தந்துவிடு
மெல்லிய அதரங்களின் மினுமினுப்பை
முரட்டு இதழ்களில் சத்தமில்லா ஒப்பந்தமிடு

உள்ளத்தில் எழும் தீயை அணைத்துவிட
மழையை கொஞ்சம் தூதுவிடு
வெட்கமில்லாது பார்க்கும் மேகங்களை
காதலின் சாட்சிக்கு அழைப்புகொடு

விலகாத காதல் விலகிய உடைகள்
சிதறாத காமம் சிதறிய மழைத்துளிகள்
சங்கமம் வெகு நன்றாய் நடந்துவிட
நன்றிகள் அதிகம் மழைக்கு சொல்லிவிடு....

by srinihasan Wed May 12, 2010 10:56 pm

எல்லா வரிகளுமே ரசித்து நனையும் படியாக மிகவும் பரவசமாக...

மழையும் காதலும் பிணைந்து மிகவும் உச்சமாக... அருமையான வரிகளில்... மழையே உனக்கு நன்றி.... 677196

by அப்புகுட்டி Wed May 12, 2010 11:02 pm

எந்த வரிகள் என்று தெரியாது
வரிகள் அனைததும் ருசி
ரசனையாக உள்ளது அருமை
நல்ல அனுபவ கவிதை தந்த உங்களுக்கு
பல நன்றிகள் அருமையாக உள்ளது
தொடருங்கள்.

by மஞ்சுபாஷிணி Thu May 13, 2010 7:06 am

srinihasan wrote:எல்லா வரிகளுமே ரசித்து நனையும் படியாக மிகவும் பரவசமாக...

மழையும் காதலும் பிணைந்து மிகவும் உச்சமாக... அருமையான வரிகளில்...

அன்பு நன்றிகள் ஸ்ரீனிஹாசன்....

by மஞ்சுபாஷிணி Thu May 13, 2010 7:07 am

அப்புகுட்டி wrote:எந்த வரிகள் என்று தெரியாது
வரிகள் அனைததும் ருசி
ரசனையாக உள்ளது அருமை
நல்ல அனுபவ கவிதை தந்த உங்களுக்கு
பல நன்றிகள் அருமையாக உள்ளது
தொடருங்கள்.

அன்பு நன்றிகள் அப்புக்குட்டி...