3 ஆண்டுகளில் ஒரு அவுன்ஸ் தங்கம் 2000 டாலரை எட்டும்

sathyan · sathyan Wed May 12, 2010 10:15 pm

மே 12,2010,16:26



பெங்களூரு : அடுத்து 2 அல்லது 3 ஆண்டுகளில் சர்வதேச சந்தையில் தங்கத்தின் விலை அவுன்ஸ் ஒன்றிற்கு 2000 டாலர் வரை உயரக் கூடும் என தங்கம் விற்பனை சந்தையின் முன்னணி நிறுவனங்கள் தெரிவித்துள்ளன. தற்போது சர்வதேச சந்தையில் ஒரு அவுன்ஸ் தங்கத்தின் விலை 1200 டாலராகும். ரூ.20 ஆயிரம் கோடி முதலீட்டில் பெங்களூருவை தலைமையிடமாக கொண்டு துவங்கப்பட்டுள்ள ராஜேஷ் எக்ஸ்போர்ட்ஸ் நிறுவனத்தின் தலைவர் ராஜேஷ் மேத்தா இது குறித்து கூறுகையில், சர்வதேச சந்தையில் உயர்ந்து தங்கத்தின் மதிப்பு தற்போது சிறிதளவு மாற்றத்துடனேயே சென்று கொண்டுள்ளது; இது வருங்காலத்தில் மேலும் பெருமளவில் அதிகரிக்க வாய்ப்பு அதிகரித்து வருவதாக அவர் தெரிவித்தார். மேலும் அடுத்த இரண்டு முதல் 3 ஆண்டுகளில் ஒரு அவுன்ஸ் தங்கம் 1500 டாலர் முதல் 2000 டாலரை வரை விற்கப்படும் எனவும் அவர் தெரிவித்தார்