14-ந்தேதி பிளஸ்-2 முடிவு

ரபீக் · ரபீக் Wed May 12, 2010 4:03 pm

தமிழ்நாடு மற்றும் புதுச்சேரியில் பிளஸ்-2 தேர்வை 7 1/2 லட்சம் பேர் எழுதினார்கள். கடந்த ஆண்டை விட 42 ஆயிரத்து 55 மாணவ- மாணவிகள் கூடுதலாக எழுதினார்கள்.

மதிப்பீட்டு பணி முடிந்து மதிப்பெண் விவரங்கள் கம்ப்யூட்டரில் பதிவு செய்யப்பட்டு தேர்வு முடிவு வெளியிட அரசு தேர்வுத்துறை தயார் நிலையில் உள்ளது.

இறுதி கட்டப்பணிகள் முடிக்கப்பட்டு பள்ளிக்கல்வித்துறை அமைச்சர் தங்கம் தென்னரசுவின் ஒப்புதல் பெறுவதற்காக அதிகாரிகள் நேற்று இரவு சென்றனர்.

பிளஸ்-2 தேர்வு முடிவுகளை வெளியிடுவதற்கு அமைச்சர் ஒப்புதல் வழங்கிவிட்டார். 14-ந்தேதி அல்லது 15-ந்தேதி தேர்வு முடிவுகள் வெளியாகும் என்று உயர் அதிகாரி ஒருவர் தெரிவித்தார்.

கடந்த ஆண்டு மே 14-ந்தேதி தேர்வு முடிவு வெளியானது. அதனால் அதே தேதியிலேயே இந்த ஆண்டும் வெளியாக அதிக வாய்ப்பு உள்ளது.

சட்டசபை கூட்டம் 14-ந்தேதி முடிவுபெறுகிறது. கூட்டம் முடிந்த மறுநாள் 15-ந் தேதி (சனிக்கிழமை) தேர்வு முடிவை வெளியிட்டால் எந்த பிரச்சினையும் இருக்காது என்றும் தேர்வுத்துறை கருதுகிறது. அதனால் 15-ந்தேதி வெளியாவதற்கும் வாய்ப்பு இருப்பதாக தேர்வுத்துறை வட்டாரங்கள் தெரிவிக்கின்றன.

கடந்த சில நாட்களாக தேர்வு முடிவுகளை அறிவிப்பதில் பல்வேறு தேதிகள் குறிப்பிடப்பட்டு மாறி இருந்த நிலையில் 14-ந்தேதி அல்லது 15-ந்தேதி என்பதில் எந்த மாற்றமும் இருக்காது. இதற்கான அதிகாரப்பூர்வமான அறிவிப்பு 13-ந் தேதி வெளியாகும் என்று எதிர் பார்க்கப்படுகிறது

14-ந்தேதி பிளஸ்-2 முடிவு

14-ந்தேதி பிளஸ்-2 முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக