இந்திய அணி வெளியேற்றம் ஐ.பி.எல். இரவு விருந்து தோல்விக்கு காரணம் டோனி அதிரடி குற்றச்சாட்டு

கடந்த 20 ஓவர் உலக கோப்பை போட்டியை போலவே இந்த உலக கோப்பையிலும் இந்திய அணி அரை இறுதிக்கு தகுதி பெறாமல் போட்டியில் இருந்து வெளியேற்றப்பட்டுள்ளது.

“சூப்பர் 8” சுற்றில் “எப்” பிரிவில் இடம் பெற்று இருந்த இந்திய அணி முதல் ஆட்டத்தில் ஆஸ்திரேலியா விடமும், 2-வது ஆட்டத்தில் வெஸ்ட்இண்டீசிடமும் தோற்றது. கடைசி ஆட்டத்தில் இலங்கையை நேற்று சந்தித்தது. இதில் கண்டிப்பாக வென்றால் தான் அரை இறுதி வாய்ப்பை பெறும் நிலையில் இருக்க முடியும். ஆனால் இந்திய அணி தோல்வியை தழுவி போட்டியில் இருந்து வெளியேற்றப்பட்டது.

“டாஸ்” வென்று முதலில் ஆடிய இந்தியா 20 ஓவரில் 5 விக்கெட் இழப்புக்கு 163 ரன்னே எடுத்தது. ரெய்னா அதிகபட்சமாக 47 பந்தில் 63 ரன்கள் எடுத்தார்.

பின்னர் விளையாடிய இலங்கை 20 ஓவரில் 5 விக்கெட் இழப்புக்கு 167 ரன் எடுத்து 5 விக்கெட்டில் வெற்றி பெற்றது. கடைசி பந்தில் 3 ரன் தேவைப்பட்டது. நெக்ரா வீசிய அந்த பந்தை சிக்சருக்கு விளாசி கபுகேந்திரா இலங்கை அணியை வெற்றி பெற வைத்தார். அவர் 16 பந்தில் 2 பவுண்டரி, 3 சிக்சருடன் 37 ரன்கள் (அவுட் இல்லை) எடுத்தார். சங்ககரா, மேத்யூஸ் தலா 46 ரன்கள் எடுத்தனர்.

இந்த வெற்றி மூலம் இலங்கை அணி அரை இறுதிக்கு தகுதி பெற்றது.

“சூப்பர் 8” சுற்றில் இந்திய அணி ஒரு வெற்றி கூட பெற முடியாமல் போனது பரிதாபமே. தொடர்ந்து 3-வது தோல்வியை சந்தித்தது. இங்கிலாந்தில் நடந்த கடந்த உலக கோப்பையிலும் இதே நிலைதான் இருந்தது.

நேற்றைய ஆட்டத்தில் இந்தியா முதல் 10 ஓவரில் 1 விக்கெட் இழப்புக்கு 90 ரன் எடுத்திருந்தது. இதனால் 180 முதல் 200 ரன் கள் வரை எடுக்கும் என்று எதிர்பார்க்கப்பட்டது. ஆனால் சொதப்பி விட்டனர். டோனி 4-வது வீரராக களம் வந்து இருக்கக்கூடாது.

இந்திய அணி அரை இறுதிக்கு தகுதி பெறாமல் போனதால் கேப்டன் டோனி மிகுந்த ஏமாற்றம் அடைந்தார். நிருபர்களுக்கு அளித்த பேட்டியில் அவர் கூறியதாவது:-

ஐ.பி.எல். போட்டியின் இரவு விருந்து நிகழ்ச்சியே தோல்விக்கு காரணமாக அமைந்து விட்டது. ஐ.பி.எல். போட்டி, அதை தொடர்ந்து நடந்த பார்ட்டி காரணமாக வீரர்களுக்கு ஓய்வு இல்லா மல் போய் விட்டது. இது உலக கோப்பையில் எதி ரொலித்தது. இதன் காரணமாகவே நாங்கள் முன்னதாக வெளியேற்றப்பட்டு விட்டோம்.

ஐ.பி.எல். இரவு விருந்து நிகழ்ச்சி வீரர்களின் கவனத்தை திசை திருப்பி விட்டது.

இந்த உலக கோப்பையில் நாங்கள் முழு திறமையுடன் ஆடவில்லை. அனைத்து துறைகளிலும் மோசமாக திகழ்ந்தோம். இலங்கை அணி கடைசி 5 ஓவரில் மிகவும் சிறப்பாக பந்து வீசியது.
இவ்வாறு அவர் கூறினார்.