இளமையோடு ஒரு பழைய காதல்

by ஜாவிட் ரயிஸ் Wed May 12, 2010 2:10 pm

First topic message reminder :

இளமையோடு ஒரு பழைய காதல் - Page 2 Pera

இன்றோ நாளையோ
இறக்கவிருக்கும் மரங்களில்
இளமையோடு துளிர்க்கும்
மலர் சிசுக்களாய்...
புதுப்புது எதிர்பார்ப்புகளோடும்
விடை தெரியா கேள்விகளோடும்
என் கிழட்டுக் காதல்;
◙

தள்ளாடித் தள்ளாடித்
தேடுகின்றேன்
தொலைந்து போன
பழைய நினைவுகளை...
◙

அந்த மரத்தில் தானே
செதுக்கினோம்
உன் பெயரை நானும்...
என் பெயரை நீயும்...?

எம்மைப் போலவே- காலம்
மரத்தையும் விட்டுவைதில்லை
நரைத்த தலையுடன்
நின்றிருக்கிறது.
◙

புதுப்புது காதல் தடங்களை
தாங்கியிருக்கிறது
படுத்துறங்கிய புல்வெளி!
◙

இந்த இடத்தில் தானே
கைக்கோர்த்து நடைபயின்றோம் ?
ஆமாம்!
இதே இடம் தான்!

இருமருங்கிலும் எழுந்து நின்று
நிழல் பாய் விரித்து
காதலர்களை வரவேற்கும்
பெயர் தெரியா இம்மரங்கள்
"அவள் எங்கே?"
உன்னை தான் விசாரிக்கின்றன
◙

இந்த மரங்களுக்கு
நினைவிருக்கும் நம் காதல்
உனக்கு நினைவிருக்குமோ?
◙

நீ பற்றியிருந்த என் கரங்களில்
தொற்றியிருக்கும்
என் பேரனின் குரல்
இழுத்தெடுக்கிறது என்னை
மீண்டும் நிகழ்காலத்துக்கு
"தாத்தா நேரமாகிவிட்டது
பாட்டி தேடுவாங்க"
◙

என் கேள்விக்கு இல்லாவிட்டாலும்
அந்த மரங்களின் கேள்விக்காவது
விடை சொல்
"நீ எங்கே இருக்கிறாய்?"

.

by **இளமாறன்** Wed May 12, 2010 5:27 pm

அருமை நண்பா வாழ்த்துக்கள் இளமையோடு ஒரு பழைய காதல் - Page 2 154550

by ஜாவிட் ரயிஸ் Wed May 12, 2010 6:38 pm

நன்றி நண்பா இளமாரா!

by சபீர் Wed May 12, 2010 8:38 pm

மஞ்சுபாஷிணி wrote:நினைவுகள் என்றுமே நம்மை உயிர்ப்பிப்பவை...

அதுவும் காதல் நினைவுகள் என்றால் முடிவில்லாதபடி பயணித்துக்கொண்டே இருப்போம் நினைவலையில்...

முதுமையில் கூட காதல் மறைந்துபோவதில்லை... அசாதாரண அன்பு மட்டுமே அதில் ஆழ்ந்து இருக்கும்....

மிக அழகிய வரிகள் ஜாவித்....

அன்பு பாராட்டுக்கள்..